Indian Stock Market: بھارتی شیئر بازار میں مسلسل تیسرے دن تیزی برقرار، جانیے کن وجوہات کے باعث دوڑ رہا ہے سینسیکس

بھارتی شیئر بازار میں مسلسل تیسرے دن بھی تیزی دیکھنے کو مل رہی ہے۔ اس دوران سینسیکس تقریباً 2,000 پوائنٹس اور نفٹی 700 پوائنٹس سے زائد بڑھ چکا ہے۔دوپہر 12:47 بجے سینسیکس 636 پوائنٹس یا 0.84 فیصد اضافے کے ساتھ 76,707 پر جبکہ نفٹی 191 پوائنٹس یا 0.81 فیصد مضبوطی کے ساتھ 23,770 پر تھا۔

مڈ کیپ اور اسمال کیپ حصص میں بھی مضبوطی

دن کے دوران وسیع مارکیٹ میں بھی تیزی دیکھی جا رہی ہے۔ لارج کیپ کے ساتھ ساتھ مڈ کیپ اور اسمال کیپ حصص میں بھی مضبوطی کے ساتھ کاروبار ہو رہا ہے۔ نفٹی مڈکیپ 100 انڈیکس 981 پوائنٹس یا 1.77 فیصد اضافے کے ساتھ 56,156 اور نفٹی اسمال کیپ 100 انڈیکس 243 پوائنٹس یا 1.52 فیصد بڑھ کر 16,154 پر پہنچ گیا۔ مارکیٹ میں اس تیزی کی ایک بڑی وجہ آئی ٹی شیئرز میں خریداری کی واپسی ہے۔ انڈیکسز میں نفٹی آئی ٹی تقریباً 4 فیصد اضافے کے ساتھ سب سے زیادہ فائدہ دینے والا شعبہ رہا۔

آئی ٹی سیکٹر میں زبردست خریداری

ریٹنگ ایجنسی سی ایل ایس اے کی ایک رپورٹ میں کہا گیا ہے کہ اینتھروپک اور اوپن اے آئی کے نئے اے آئی ٹولز سے آئی ٹی انڈسٹری کو کسی بڑے خطرے کی بات درست نہیں ہے۔ اس رپورٹ کے بعد پورے آئی ٹی سیکٹر میں زبردست خریداری دیکھی جا رہی ہے۔ سینسیکس میں انفوسس، ٹیک مہندرا، ایچ سی ایل ٹیک اور ٹی سی ایس نمایاں گینرز میں شامل رہے۔ کچے تیل کی قیمتوں میں کمی بھی بھارتی بازار کے مثبت رجحان کی ایک اہم وجہ ہے۔ بین الاقوامی سطح پر بدھ کے روز خام تیل کی قیمتوں میں 3 فیصد سے زیادہ کی گراوٹ دیکھی گئی۔ خبر لکھے جانے تک ڈبلیو ٹی آئی کروڈ 3.43 فیصد کمی کے ساتھ 92.91 ڈالر فی اونس اور برینٹ کروڈ 2.02 فیصد کم ہو کر 101.3 ڈالر فی اونس پر تھا۔ انڈیا وِکس میں کمی بھی بازار کی تیزی کی ایک وجہ ہے۔ یہ 4.30 فیصد گر کر 18.94 پر آ گیا ہے۔

انڈیا وِکس مارکیٹ کے استحکام کو ظاہر کرتا ہے۔ عام طور پر جب اس میں اضافہ ہوتا ہے تو بازار میں گراوٹ دیکھی جاتی ہے، جبکہ اس میں کمی بازار کے لیے مثبت اشارہ سمجھی جاتی ہے۔

بھارت ایکسپریس اردو۔