INDIA Press Conference: انڈیا الائنس کو 295 سے زیادہ سیٹیں ملیں گی اور ہماری حکومت بنے گی: ملکارجن کھرگے

لوک سبھا انتخابات 2024 کے آخری مرحلے کی ووٹنگ کے دوران انڈیا الائنس کی ایک اہم میٹنگ منعقد کی گئی ۔ دہلی میں کانگریس صدر ملکارجن کھرگے کی رہائش گاہ پر منعقدہ اس میٹنگ میں بیشتر رہنماوں نے شرکت کی اور آگے کے ایجنڈہ پر بات کی۔ میٹنگ کے اختتام پر اپوزیشن کی جانب سے پریس کانفرنس کی گئی ۔ پریس کانفرنس سے خطاب کرتے  ہوئے کانگریس صدر ملکارجن کھرگے نے کہا کہ  قریب ڈھائی گھنٹے تک بہت سے موضوعات پر بات کی۔ خاص طور پر الیکشن اور انتخاب کے وقت کیا کیا کمزوریاں ہوسکتی ہیں اور کیا کیا مشکلات پیش آسکتی ہیں ،انہیں کیسے درست کرنا ہے ، اس حوالے سے ہماری گفتگو کی ۔ اور ووٹوں کی گنتی کے دن ہمارے کارکنان کو کیا کرنا چاہیے ،اس حوالے سے انہیں کیا پیغام دینا ہے ،ا س حوالے سے آج کی میٹنگ  ہم نے بات کی۔

کھرگے نے کہا کہ میٹنگ میں اتحاد  کا فیصلہ یہ بھی ہوا ہے کہ  ایگزٹ پول پر بحث کرکے بی جے پی کے لوگ عوام میں گمراہی پھیلانے کی کوشش کرے گی اس لئے اس کی سچائی بتانے کیلئے ہم نے تیاری کا فیصلہ کیا ہے۔ ملکارجن نے کہا کہ آج کی میٹنگ میں سب لیڈران سے بات کرکے یہ اندازہ ہوا کہ انڈیا الائنس کو 295  سے زیادہ سیٹیں ملنے والی ہیں ۔انہوں نے کہا کہ عوام کو سچائی کیلئے کانگریس پارٹی ایگزٹ پول کے بحث میں حصہ لے گی۔