India-Pakistan at UN: کشمیر پر اقوام متحدہ میں چیخ رہا تھا پاکستان، ہندوستان نے کردی بولتی بند،مقبوضہ کشمیر بھی خالی کرنے کا کردیا مطالبہ

ہندوستان نے اقوام متحدہ میں امن کی بحالی پر ہونے والی بحث کے دوران جموں و کشمیر پر پاکستان کے بار بار بیانات کو سختی سے مسترد کر دیاہے۔ہندوستان نے انہیں ‘نامناسب’ قرار دیا اور واضح کیا کہ جموں و کشمیر ‘ہندوستان کا اٹوٹ انگ تھا، ہے اور رہے گا۔اقوام متحدہ کی سلامتی کونسل میں خطاب کرتے ہوئے بھارت کی مستقل مندوب پارواتھینی ہریش نے پاکستان پر تنقید کرتے ہوئے کہا کہ وہ امن کی بحالی پر اہم بات چیت سے توجہ ہٹانے کی کوشش کر رہے ہیں۔ انہوں نے کہا، ‘ہندوستان یہ واضح کرنا ضروری سمجھتا ہے کہ پاکستان کے نمائندے نے ایک بار پھر ہندوستانی مرکز کے زیر انتظام جموں و کشمیر پر نامناسب تبصرہ کیا ہے۔ اس طرح کے بار بار کیے جانے والے دعوے نہ تو ان کے غیر قانونی دعووں کو تسلیم کرتے ہیں اور نہ ہی ان کی ریاستی سرپرستی میں سرحد پار دہشت گردی کا جواز پیش کرتے ہیں۔

ہریش نے یہ بھی واضح طور پر کہا کہ پاکستان جموں و کشمیر کے ایک حصے پر غیر قانونی طور پر قابض ہے اور اسے اسے فوری طور پر خالی کر دینا چاہیے۔ انہوں نے کہا کہ ‘پاکستان جموں و کشمیر کی سرزمین پر غیر قانونی طور پر قبضہ کر رکھا ہے، جسے اسے خالی کرنا چاہیے۔اس کے ساتھ ہی ہریش نے زور دے کر کہا کہ ہندوستان عالمی فورمز پر اس کی خودمختاری پر سوال اٹھانے کی اجازت نہیں دے گا۔ پاکستان کی جانب سے اقوام متحدہ کے پلیٹ فارم کو اپنے تنگ اور تفرقہ انگیز ایجنڈے کے لیے غلط استعمال کرنے کی کوششوں کو مسترد کرتے ہوئے، ہریش نے کہاکہ ہم پاکستان کو مشورہ دیں گے کہ وہ اس پلیٹ فارم پر توجہ ہٹانے کی کوشش نہ کرے۔انہوں نے یہ بھی واضح کیا کہ بھارت تفصیلی جواب دینے کی ضرورت محسوس نہیں کرتا کیونکہ اس کی پوزیشن پہلے ہی واضح کر دی گئی ہے۔ انہوں نے کہا، ‘ہندوستان مزید تفصیلی جواب دینے کے حق کو استعمال کرنے سے گریز کرے گا۔

واضح رہے کہ جہاں اقوام متحدہ کے اجلاس میں امن قائم کرنے میں اصلاحات پر توجہ مرکوز کی گئی، ہندوستان نے اس موقع کو مسلح گروہوں اور جدید ہتھیاروں سے لاحق خطرات جیسے چیلنجوں سے نمٹنے کی ضرورت پر زور دینے کے لیے استعمال کیا۔ ہریش نے امن مشن کے مینڈیٹ کے تعین میں فوج اور پولیس کا تعاون کرنے والے ممالک کے اہم کردار پر بات کی اور ضروریات کو پورا کرنے کے لیے مناسب فنڈ فراہم کرنے کی ضرورت پر بھی زور دیا۔

بھارت ایکسپریس۔