In the entire country, vote theft is going on: پورے ملک میں بی جے پی الیکشن کمیشن کے ساتھ مل کر ووٹ چوری کررہی ہے:راہل گاندھی

بہار کے ساسارام سے شروع کررہے ووٹ ادھیکار یاترا کے افتتاحی اجلاس سے خطاب کرتے ہوئے لوک سبھا میں قائد حزب اختلاف راہل گاندھی نے کہا کہ یہ آئین کو بچانے کی لڑائی ہے کیونکہ آر ایس ایس اور بی جے پی پورے ہندوستان میں آئین کو مٹانے کا کام کر رہے ہیں۔کانگریس کے سابق صدر راہل گاندھی نے کہا کہ پورے ہندوستان میں اسمبلی انتخابات اور لوک سبھا کے انتخابات کو چوری کیا جا رہا ہے اور ان کی آخری سازش بہار میں ایس آئی آر کرنا اور نئے ووٹروں کو شامل کرنا، ووٹروں کو کاٹنا اور بہار کے انتخابات کو چوری کرنا ہے۔ ہم انہیں یہ الیکشن چوری نہیں کرنے دیں گے۔

کانگریس کے رکن پارلیمنٹ راہل گاندھی نے کہا کہ وہ بہار میں ایس آئی آر کرکے، حقیقی ووٹروں کو کاٹ کر، نئے ووٹروں کو شامل کرکے الیکشن جیتنے کی کوشش کریں گے، لیکن بہار کے لوگ انہیں ووٹ چوری نہیں کرنے دیں گے۔ یہ بات پورا ملک جانتا ہے۔ پہلے ہم نہیں جانتے تھے کہ الیکشن کمیشن کیسے چوری کرتا ہے لیکن اب سب جانتے ہیں۔ ہم ان کی چوری پکڑ کر عوام کو دکھائیں گے۔ انہوں نے کہا کہ بی جے پی اور این ڈی اے صنعت کاروں کے ساتھ کاروبار چلاتے ہیں۔

کانگریس ایم پی راہل گاندھی نے کہا کہ یہ آئین کو بچانے کی لڑائی ہے۔ پورے ہندوستان میں آر ایس ایس اور بی جے پی آئین کو تباہ کرنے کی کوشش کر رہے ہیں۔ مہاراشٹر میں ہمارا اتحاد لوک سبھا انتخابات جیتتا ہے لیکن اسمبلی انتخابات میں ہارتا ہے۔ الیکشن کمیشن نے جادوئی طریقے سے 1 کروڑ ووٹرز بنائے۔ جہاں بھی یہ نئے ووٹر بنائے گئے، بی جے پی نے الیکشن جیتا۔ ہمارا ایک ووٹ بھی کم نہیں ہوا لیکن بی جے پی نے ان تمام نئے ووٹروں کے ووٹ حاصل کیے اور الیکشن جیت لیا، یہ ان کی چوری کا طریقہ ہے اور اب یہی وہ بہارمیں ایس آئی آر کے ذریعے کرنے جارہے ہیں ۔

بھارت ایکسپریس۔