Hyderabad: آزاد کی مدد سے دلت ووٹ بینک کو حاصل کرنے کی تیاری میں کے سی آر، چندرشیکھر راؤ سے ملاقات کے بعد یہ قیاس آرائیاں شروع

Hyderabad: آزاد سماج پارٹی کے قومی صدر چندر شیکھر آزاد نے جمعہ (28 جولائی) کو حیدرآباد میں تلنگانہ کے سی ایم کے چندر شیکھر راؤ سے ملاقات کی۔ ذرائع کی مانیں تو کے سی آر حکومت تلنگانہ پولیس کے ذریعہ آزاد کو خصوصی ہائی سیکورٹی دینے پر غور کررہی ہے۔ کے سی آر آزاد کی مدد سے دلت ووٹ بینک کو حاصل کرنے کی تیاری کر رہی ہے۔ ونچیت بہوجن اگھاڑی کے پرکاش امبیڈکر پہلے ہی کے سی آر کے ساتھ ہیں۔ بھیم آرمی چیف چندر شیکھر آزاد جمعرات (27 جولائی) کو حیدرآباد پہنچے۔

مدھیہ پردیش کے اسمبلی انتخابات کے لیے آزاد سماج پارٹی بھی جئے آدیواسی یوا شکتی اور بی آر ایس کے اتحاد میں شامل ہونے کا امکان ہے۔ کے سی آر کا اب بہوجن مسلمانوں کے ساتھ اتحاد کرکے اقتدار کی سیڑھی پر چڑھنے کا منصوبہ ہے۔ پارٹی خاص طور پر مہاراشٹر میں اس اتحاد کو استعمال کرنے کے بارے میں سوچ رہی ہے۔ اس سلسلے میں دہلی کی ایک معروف بین الاقوامی ایجنسی سے سروے بھی کرایا گیا ہے اور اس کے بعد بی آر ایس نے مہاراشٹر کے لیے نئی ورکنگ کمیٹی کا اعلان کیا ہے۔

یہ بھی پڑھیں- Lok Sabha Election 2024: اس سروے نے لوک سبھا الیکشن کو لے کر بی جے پی کا بڑھایا تناؤ، اروند کیجریوال کو پہنچ سکتا ہے فائدہ، اب بھی لوگوں کو کانگریس پر بھروسہ نہیں

27 جولائی کو حیدرآباد پہنچے چندر شیکھر آزاد

دراصل، بھیم آرمی چیف چندر شیکھر آزاد 27 جولائی کو بی آر ایس ایم ایل اے اور کے سی آر کی بیٹی کویتا راؤ کی دعوت پر حیدرآباد پہنچے تھے۔ اس دوران چندر شیکھر آزاد نے کویتا راؤ کے ساتھ ڈاکٹر بھیم راؤ امبیڈکر کی یادگار پر پہنچ کر انہیں خراج عقیدت پیش کیا۔ اس کے ساتھ ہی چندر شیکھر آزاد نے بھارت راشٹرا سمیتی کی پالیسیوں اور منصوبوں کی تعریف کی۔ بھیم آرمی کے سربراہ چندر شیکھر نے جمعہ (28 جولائی) کو تلنگانہ کے چیف منسٹر کے چندر شیکھر راؤ سے ملاقات کی اور دلتوں کی بہتری کے لیے مختلف اسکیموں کو نافذ کرنے کے لیے ریاستی حکومت کی ستائش کی۔ اس دوران آزاد نے کہا کہ دلت بندھو اور دیگر اسکیمیں اور پروگرام ملک کے لیے مثالی بن گئے ہیں اور سی ایم کے سی آر دلتوں کو سماجی اور معاشی امتیاز سے آزاد کرانے کے لیے ایک مضبوط راستہ اختیار کررہے ہیں۔

-بھارت ایکسپریس