Radical Currents: شدت پسندی کی لہر: کس طرح بنیاد پرست تنظیمیں ہندوستان میں مسلم نوجوانوں کو متاثر کر رہی ہیں

تحریر: ڈاکٹر شجاعت علی قادری

ہندوستان کے گڈ مڈ مذہبی منظر نامے میں، مسلم تنظیمیں شناخت، عقائد اور فرقہ وارانہ رویے کی تشکیل میں اہم کردار ادا کرتی ہیں۔ ان میں سے، جماعت اسلامی اور تبلیغی جماعت نے تاریخی طور پر خود کو اسلامی احیاء پسند تحریکوں کے طور پر پیش کیا ہے۔ جب کہ وہ عوامی طور پر تشدد سے انکار کرتے ہیں، خدشات بڑھ رہے ہیں کہ کس طرح ان کے نظریاتی ڈھانچے اور اثر و رسوخ کے نیٹ ورک ہندوستان میں مسلم نوجوانوں کے ایک حصے کو بنیاد پرست بنا رہے ہیں۔ اس مضمون کا مقصد اس کے طریقۂ کار، بیانیے اور نمونوں کو کھولنا ہے جن کے ذریعےیہ گروہ کام کرتے ہیں اور کس طرح ان کے نظریات استثنیٰ، تنہائی پسندی اور یہاں تک کہ انتہا پسندی کی طرف جھک سکتے ہیں۔

نظریاتی جڑیں: روحانیاحیاء سے سیاسی ایجنڈے تک

جماعت اسلامی(جے ای آئی)، جس کی بنیاد 1941 میں ابوالاعلیٰ مودودی نے رکھی تھی، محض ایک مذہبی تحریک نہیں ہے۔ یہ اسلام کی سیاسی تشریح پر مبنی ہے، جس کا مقصد شریعت کے تحت ایک اسلامی ریاست قائم کرنا ہے۔ جموں و کشمیر میں پابندی کے باوجود،جے ای آئی بھارت بھر میں، طلبہ تنظیموں اور سول سوسائٹی کے مختلف ناموں اور محاذوں سے کام جاری رکھے ہوئے ہے۔

دوسری طرف تبلیغی جماعت ظاہری طور پر غیر سیاسی اور باطنی نظر آتی ہے، جو ذاتی تقویٰ اور دین اسلام کی تبلیغ (دعوہ) پر توجہ مرکوز کرتی ہے۔ لیکن اسلام کا اس طرح کا برانڈ، سخت، دیوبندی مسلک پر مبنی اور جدیدیت کا مخالف نیز تکثیریت کی حوصلہ شکنی کرتا ہے اور ایک ایسا عالمی نظریہ پیش کرتا ہے جہاں مذہبی شناخت قومی شناخت کو پیچھے چھوڑتی ہے۔ اس پر اکثر کنویں کے میڈک تیار کرنے کا الزام لگایا جاتا ہے جو نوجوانوں کو مرکزی دھارے کے معاشرے سے دور کر دیتے ہیں۔ اگرچہ دونوں گروہوں کے طریقۂ کار میں فرق ہے، جن میں جے ای آئی سیاسی طورپر متحرک ہے اور تبلیغی جماعت روحانی طور پرفعال ہے، دونوں دونظریات کو فروغ دیتے ہیں ، جن میں ہم بمقابلہ ان کے بیانیے کو فروغ دیا جاتا ہے جو علیحدگی کو جنم دیتے ہیں۔

کیمپس میں موجودگی اور طلبہ پر اس کے اثرات

جماعت اسلامی کے سب سے زیادہ متحرک نظر آنے والے بازوؤں میں سے ایک اس کی طلبہ ونگ ہے، جوکہ خود کو تعلیم اور سماجی انصاف کے لیے ایک پلیٹ فارم کے طور پر پیش کرتے ہوئے، طلبہ ونگ اکثر جماعت کے سیکولرازم کی مخالفت، اسلامی طرز حکمرانی کی عظمت اور فرقہ وارانہ تشخص کو تقویت دینے والے نظریات کی عکاسی کرتی ہے۔

کیرالہ، مغربی بنگال اور دہلی کے تمام کیمپسز میں،جے ای آئی کی طلبہ ونگ نے ایک نظریاتی طور پر منظم کیڈر تیار کیا ہے جو جدید سیاست اور مغربی لبرل ازم کو اسلام کے خلاف تصور کرتا ہے۔ بھرتی ہونے والے یہ نوجوان اکثر “فکری اسلام” کی آڑ میں جمہوریت مخالف نظریات سے متعارف کرائے جاتے ہیں۔

تبلیغی جماعت، دریں اثنا، نوجوان پیروکاروں کے ایک کم پروفائل لیکن گہرے نیٹ ورک کو برقرار رکھتی ہے جنہیں‘‘چِلہ’’ (40 روزہ مشنری ٹور) کے ذریعے تربیت دی جاتی ہے۔ نوجوانوں کی حوصلہ افزائی کی جاتی ہے کہ وہ باقاعدہ تعلیم یا ملازمتیں ترک کر دیں، خود کو ‘‘غیر اسلامی ماحول’’ سے الگ رکھیں اور اپنی زندگی اُمہ کو پاک کرنے کے لیے وقف کر دیں۔ اندھی اطاعت، یکساں لباس کوڈ، اور سخت صنفی علاحدگی  پر زور نظریاتی بنیاد پرستی کی ابتدائی شکل ہے۔

کنویں کے میڈک بنانا ، علیحدگی اور شدت پسندی کا دروازہ

بیان کردہ حکمت عملی میں دونوں گروہ غیر متشدد ہیں، لیکن اس کا مطلب یہ نہیں کہ وہ غیر بنیاد پرست ہیں۔ بنیاد پرستی کا عمل ہمیشہ تشدد کے بارے میں نہیں ہوتا ہے یہ ایک ایسی ذہنیت کی تخلیق کے بارے میں ہے جو علاحدگی پسندی کو معمول کا عمل قرار دیتا ہے، آئینی اقدار کو مسترد کرتا ہے اور ‘‘دوسرے’’ پر عدم اعتماد کو فروغ دیتا ہے۔ان گروہوں کی طرف راغب ہونے والے بہت سے نوجوان مسلمان سوال کرنے لگتے ہیں:

جمہوری شرکت

سیکولر تعلیم

دوسرے عقائد کے ساتھ بقائے باہمی

ہندوستان کے تکثیری معاشرے میں انضمام

ایسا کرنے سے، ایک ایسی جگہ بنائی جاتی ہے جہاں زیادہ بنیاد پرست عناصر آسانی سے بھرتی کر سکتے ہیں۔ درحقیقت، ماضی میں مختلف انٹیلی جنس رپورٹس میں بتایا گیا ہے کہ دہشت گردی کی سازشوں میں ملوث افراد یا بعد میں آئی ایس آئی ایس میں شامل ہونے والے افراد کا پس منظر ایسے نظریاتی گروہوں سے رہا ہے۔ مثال کے طور پر، جموں اور کشمیر میں،جماعت اسلامی پر نظریاتی تعصب کا الزام لگایا گیا ہے جو بعد میں عسکریت پسندی کا باعث بنا۔ اگرچہ یہ گروپ دہشت گرد تنظیموں سے تعلق کی تردید کرتا ہے، لیکن اس کے لٹریچر میں اکثر ہندوستانی ریاست کو ایک جارح کے طور پر پیش کیا جاتا ہے۔

ڈیجیٹل پروپیگنڈہ اور بین ممالک  اثرات

جدید بنیاد پرستی کو مسجد کی ضرورت نہیں ہے۔ اسے اسمارٹ فون، انٹرنیٹ کنیکشن اور غیر منظم مواد کی ضرورت ہے۔جے ای آئی اور تبلیغی دونوں نیٹ ورکس نےان وسائل کو تیزی سے اپنایا ہے۔

واٹس ایپ گروپس جو مودودییا ذاکر نائیک کے مواد کو آگے بڑھا رہے ہیں،

یوٹیوب کے خطبات ہندوستانی مرکزی دھارے میں انضمام کی حوصلہ شکنی کرتے ہیں،

ٹیلی گرام چینلز بھارتی ریاست کے خلاف سازشی تھیوریز شیئر کر رہے ہیں۔

یہ ذرائع اب نرم بنیاد پرستی کے لیے زرخیز زمین ہیں۔

اس کے ساتھ ہی ان دونوں تحریکوں میں مضبوط بین ممالک روابط ہیں۔ جے ای آئی کو پاکستان میں قائم نیٹ ورکس سے نظریاتی حمایت حاصل ہے اور تبلیغی جماعت بنگلہ دیش،ملیشیا  اور یہاں تک کہ برطانیہ کے ان ممالک کے ہم منصبوں کے ساتھ مضبوطی سے جڑی ہوئی ہے جہاں انتہا پسندی کو فروغ دینے میں ان کا کردار جانچ پڑتال کی زد میں ہے۔

جوابی بیانیہ اور سرگرمیوں کی ضرورت

صرف ان گروہوں کو کالعدم قرار دینایا ان پر پابندی لگا دینا کافی نہیں ہوگا۔ جس چیز کی ضرورت ہے وہ ایک متحرک سول سوسائٹی کا رد عمل ہے جس میں درج ذیل باتیں شامل ہیں:

جامع اسلامی اسکالرشپ (صوفی، بین مذاہب مکالمہ) کا فروغ، ثقافتی اور علمی پلیٹ فارمز کے ذریعے مسلم نوجوانوں کے لیے رہنمائی، کمیونٹیز کو بلا امتیاز نشانہ بناتے ہوئے ڈیجیٹل پروپیگنڈے کی نگرانی، اعتدال پسند مسلم آوازوں کے ساتھ ریاستی مشغولیت، خاص طور پر مقامی اور یونیورسٹی کی سطح پر۔

سرکاری اداروں کو جائز مذہبی اظہار اور نظریاتی تبلیغ  میں فرق کرنا چاہیے۔ بدلے میں، مسلم کمیونٹیز کو اپنے تعلیمی، سماجی اور ثقافتی مقامات پر سخت گیر غلبہ کی خوداحتسابی اور چیلنج کرنے کی ضرورت ہے۔

نظریاتی نرم طاقت کے ذریعے ہندوستانی مسلم نوجوانوں کی خاموش بنیاد پرستی خواہ جماعت اسلامی کے سیاست زدہ اسلام کے ذریعے ہو یا تبلیغی جماعت کے سخت تقویٰ کے ذریعے،سیکولرازم اور قومی یکجہتی کے نظریات کے لیے ایک سنگین خطرہ ہے۔

وقت آ گیا ہے کہ نہ صرف ریاست بلکہ سول سوسائٹی اور خود مسلم کمیونٹی کی طرف سے بھی بھرپور اور جامع مداخلت کی جائے۔ بنیاد پرستی کے خلاف جنگ صرف عدالتوں یا تھانوں میں نہیں جیتی جا سکتی۔ اس کا مقابلہ ذہنوں میں، کلاس رومز میں اور ڈیجیٹل پلیٹ فارمز پر اصلاح، استدلال اور ذمہ دار قیادت کے ذریعے کیا جانا چاہیے۔

نوٹ:مضمون نگار کی رائے سے ادارے کا اتفاق ضروری نہیں۔