Tejashwi Yadav on Fake PMO Officer: فرضی پی ایم او افسر کو کیسی ملی زیڈ پلس سیکورٹی؟ امت شاہ اور کرن پٹیل کے کیا ہیں رشتے؟ تیجسوی یادو کا بڑا سوال

Jammu and Kashmir: جموں وکشمیر سے کل (جمعہ) ایک فرضی پی ایم او کے افسر کو گرفتار کیا گیا تھا۔ اس شخص کو جموں وکشمیر میں زیڈ پلس سیکورٹی (Z+ Security)، بلیٹ پروف ایس یو وی، فائیواسٹار ہوٹل مہیا کرایا گیا تھا، جس کے بعد اب بہار کے نائب وزیراعلیٰ تیجسوی یادو (Deputy CM Tejashwi Yadav) نے جمعہ کو وزیراعظم نریندر مودی کی قیادت والی مرکزی حکومت پر تنقید کی ہے۔

نائب وزیراعلیٰ تیجسوی یادو نے سوال پوچھتے ہوئے کہا کہ ’پی ایم او کا افسر بن کر رہنے والا کرن پٹیل کو زیڈ پلس سیکورٹی کیسے ملی اور وہ 4 ماہ تک جموں وکشمیر میں کیسے گھومتا رہا؟ انہوں نے مزید کہا کہ ٹھگ کرن پٹیل خود کو وزیراعظم دفتر (پی ایم او) کے ایک سینئر افسر کے طور پر پاس کرکے اسی سیکٹر میں فوجی چوکیوں پرگئے اورانہیں مکمل سرکاری پروٹوکول دیئے گئے۔‘

کرن پٹیل اور امت شاہ کے درمیان کیا ہیں تعلقات؟

راشٹریہ جنتا دل (آرجے ڈی) لیڈر تیجسوی یادو نے مبینہ طور پر مرکزی وزیر داخلہ امت شاہ کے ساتھ کھڑے کرن پٹیل کی ایک تصویر بھی شیئر کی۔ انہوں نے کہا، کرن پٹیل اور امت شاہ کے درمیان کیا تعلقات ہیں؟ انہوں نے حکومت سے زیڈ پلس سیکورٹی کیسے حاصل کی اور کیسے وہ پی ایم او میں اسپیشل سکریٹری بنے۔ یہ ایک سنگین سیکورٹی میں کوتاہی ہے اور نریندر مودی حکومت کو اس کا جواب دینے کی ضرورت ہے۔

تیجسوی یادو نے دعویٰ کیا، نریندر مودی حکومت نے سبھی مرکزی ایجنسیوں کو اپوزیشن لیڈران کو نشانہ بنانے کے لئے بھیجا ہے، لیکن سیکورٹی ایجنسیوں کو اس کا دھیان رکھنا ہے۔  میرا پختہ یقین ہے کہ کرن بھائی پٹیل نے خفیہ اورخفیہ معلومات حاصل کی، جو ملک کے لئے ایک سنگین خطرہ ہے۔

جموں وکشمیر کے تیسرے وی وی آئی پی دورے پر تھا کرن

ایک افسر نے جمعہ کے روز بتایا کہ پی ایم او کے ایک اعلیی افسر کے طور پر خود کو پیش کرتے ہوئے جمعرات کو گرفتار کیا گیا دھوکے باز جموں وکشمیر کے اپنے تیسرے ’وی وی آئی پی‘ دورہ پر تھا۔ کرن پٹیل کو سری نگر کے للت گرینڈ پیلیس ہوٹل سے تب اٹھایا گیا تھا، جب پولیس کو اس کے رویے پرشک ہوا تھا۔