Nayab Singh Saini Drunk water of Yamuna: ہریانہ کے سی ایم نائب سنگھ سینی نے دہلی پہنچ کر پیا یمنا کا پانی، کیجریوال نے ’زہر‘ملانے کا لگایا تھا الزام

Nayab Singh Saini Drank Yamuna water: ہریانہ کے وزیر اعلیٰ نائب سنگھ سینی نے بدھ کے روز دہلی کے پللا گاؤں کے قریب یمنا ندی پر جا کر اس کا پانی پیا۔ انہوں نے یہ قدم ایسے وقت اٹھایا جب یمنا کے زہریلے پانی پر بی جے پی، ہریانہ حکومت اور عام آدمی پارٹی آمنے سامنے ہیں۔ دراصل، اروند کیجریوال نے حال ہی میں الزام لگایا تھا کہ ہریانہ حکومت نے یمنا ندی کے پانی میں زہر ملایا ہے۔

پانی کے ٹیسٹ میں کوئی زہر نہیں ملا: سینی

یمنا کا پانی پینے کے بعد نائب سنگھ سینی نے کہا کہ آج میں یہاں یمنا ندی کے کنارے آیا ہوں اور یمنا ندی کا پانی پی چکا ہوں۔ واٹر ریسورسز اتھارٹی نے یہاں سے پانی کے نمونے لیے اور پانی میں کوئی زہر نہیں ملا۔ انہوں نے کہا کہ کیجریوال نے ہریانہ کی بی جے پی حکومت پر یمنا ندی میں زہر ملانے کا الزام لگایا ہے۔ انہوں نے اجتماعی نسل کشی کی بات کی۔ اروند کیجریوال نے ساری زندگی جھوٹ بولا اور اب دوبارہ جھوٹ بول رہے ہیں۔

کیجریوال کے خلاف مقدمہ درج کرے گی ہریانہ حکومت

اس سے پہلے، ہریانہ حکومت کے وزیر وپل گوئل نے بدھ کے روز کہا کہ عام آدمی پارٹی (اے اے پی) کے سپریمو اروند کیجریوال کے خلاف یمنا میں ’زہر‘ کی آمیزش کے بارے میں ان کے بیان پر مقدمہ درج کیا جائے گا۔ سونی پت کی چیف جوڈیشل مجسٹریٹ (سی جے ایم) عدالت میں ڈیزاسٹر مینجمنٹ ایکٹ کے تحت مقدمہ درج کیا جائے گا۔ گوئل نے کہا، کیجریوال نے ایک غیر ذمہ دارانہ بیان دیا ہے جس سے دہلی اور ہریانہ کے لوگوں میں خوف و ہراس پھیل گیا ہے۔ ہریانہ حکومت سونی پت میں ان کے خلاف سی جے ایم کورٹ میں ڈیزاسٹر مینجمنٹ ایکٹ کی دفعہ 2 (D) اور 54 کے تحت مقدمہ درج کرنے جا رہی ہے۔

یہ بھی پڑھیں- Hearing on Triple Talaq: ایک سانس میں تین طلاق بول کر آپ طلاق نہیں دے سکتے،کوئی وکیل طلاق ثلاثہ کے جواز کا دفاع نہیں کر سکتا:چیف جسٹس

کیجریوال اور سی ایم آتشی نے لگایا تھا یہ الزام

آپ کو بتا دیں کہ دہلی کے سابق وزیر اعلی کیجریوال نے الزام لگایا ہے کہ ہریانہ کی بی جے پی حکومت یمنا ندی میں ’زہر ملا کر‘ لوگوں کو مارنے کی کوشش کر رہی ہے، دہلی کی وزیر اعلیٰ آتشی نے بھی پیر کو الزام لگایا کہ بی جے پی جان بوجھ کر پانی کو خراب کرنے کی کوشش کر رہی ہے۔ دہلی کی سطح پر سپلائی میں خلل پڑ رہا ہے۔ عام آدمی پارٹی کے الزامات پر بی جے پی لگاتار حملہ کر رہی ہے۔

-بھارت ایکسپریس