Srilanka vs Australia Test Series: عثمان خواجہ نے دکھایا پرانا انداز، 19 ماہ بعد ٹسٹ میں لگائی سنچری، جانئے پوری تفصیل

Srilanka vs Australia Test Series 1st Test, Day Report: آسٹریلیا اور سری لنکا کے درمیان دو ٹسٹ میچوں کی سیریز کا پہلا مقابلہ گالے میں کھیلا جا رہا ہے۔ پہلے دن آسٹریلیا کے سلامی بلے بازعثمان خواجہ نے شاندارسنچری لگائی۔ یہ عثمان خواجہ کے ٹسٹ کیریئرکی 16ویں سنچری ہے۔ وہیں، اس بلے بازنے تقریباً 19 ماہ بعد ٹسٹ فارمیٹ میں سنچری لگائی ہے۔ اس سے پہلی آخری بار انہوں نے انگلینڈ کے خلاف ایشیز 2023 میں سنچری لگائی تھی۔ بہرحال پہلے دن کا کھیل ختم ہونے تک آسٹریلیا کا اسکور2 وکٹ پر330 رن ہے۔ عثمان خواجہ اوراسٹیواسمتھ دن کا کھیل ختم ہونے پرناٹ آؤٹ لوٹے۔

ٹریوس ہیڈ نے طوفانی انداز میں کی شروعات

دراصل، عثمان خواجہ نے اپنی اننگ کی شروعات عام اندازمیں کیا۔ اس بلے بازنے پہلے 15 گیندوں پرمحض تین رن بنائے، لیکن اس کے بعد انہوں نے دھیرے دھیرے رن بنانے شروع کئے۔ حالانکہ ٹریوس ہیڈ دوسرے اینڈ پرآسانی سے رن بنا رہے تھے۔ ٹریوس ہیڈ 40 گیندوں پر57 رن بناکرپویلین لوٹے۔ اس وقت آسٹریلیا کا اسکور 92 رن تھا۔ حالانکہ مارنس لابوشین جلدی پویلین لوٹ گئے۔ مارنس لابوشین 30 رن بناکر آؤٹ ہوگئے۔ آسٹریلیا کا دوسرا بلے باز134 رنوں کے اسکورپرپویلین لوٹا، لیکن عثمان خواجہ نے ایک اینڈ کومضبوطی سے سنبھالے رکھا۔

عثمان خواجہ کے بعد اسٹیو اسمتھ کی سنچری

وہیں، عثمان خواجہ کے بعد اسٹیو اسمتھ نے سنچری لگائی۔ اسٹیو اسمتھ 188 گیندوں پر 104 رن بناکر ناٹ آؤٹ لوٹے۔ جبکہ عثمان خواجہ 210 گیندوں پر 147 رن بناکر ناٹ آؤٹ رہے۔ اب تک دونوں کھلاڑیوں کے درمیان 307 گیندوں پر 195 رنوں کی شراکت داری ہوچکی ہے۔ بہرحال عثمان خواجہ اور اسٹیو اسمتھ دوسرے دن دو وکٹ پر 330 رنوں سے آگے کھیلنا شروع کریں گے۔ پہلے دن سری لنکا کے لئے پربھات جے سوریہ اور جیکی وانڈرسے نے ایک ایک وکٹ حاصل کئے۔ پربھات جے سوریہ نے 33 اوور میں 102 رن دے کر ایک وکٹ اپنے نام کیا۔ جبکہ جیفی وانڈرسے 20 اوور میں 93 رن دے کر ایک وکٹ حاصل کئے۔