جج یشونت ورما کے گھر نقدی ملنے کو لے کر جاری تنازعے کے درمیان حکومت نے جمعہ کو ایک نوٹیفکیشن جاری کرتے ہوئے اطلاع دی ہے کہ دہلی ہائی کورٹ کے جج یشونت ورما کا ان کے ’’پیرنٹ ہائی کورٹ‘‘ الہ آباد تبادلہ کر دیا گیا ہے۔ وزارت قانون نے جج کے تبادلے کا نوٹیفکیشن جاری کیا ہے۔ سپریم کورٹ کالجیم نے پیر کے روز ان کے تبادلے کی سفارش کی تھی اور ساتھ ہی یہ بھی واضح کیا تھا کہ اس تبادلے کو جسٹس ورما کے گھر نقدی ملنے کے معاملے سے کوئی بھی تعلق نہیں ہے۔ بلکہ اس معاملے کے لیے اندرونی تحقیقات جاری ہیں۔
پیر کو سپریم کورٹ کی ایک قرارداد میں کہا گیا تھا کہ ’’سپریم کورٹ کالجیم نے 20 اور 24 مارچ 2025 کو ہونے والی اپنی میٹنگوں میں دہلی ہائی کورٹ کے جج جسٹس یشونت ورما کو الہ آباد کی ہائی کورٹ آف جوڈیکیچر میں واپس بھیجنے کی سفارش کی ہے۔‘‘ 21 مارچ کو سپریم کورٹ نے کہا کہ دہلی ہائی کورٹ کے چیف جسٹس ڈی کے اپادھیا نے جسٹس ورما کے خلاف اندرون خانہ انکوائری شروع کی تھی اور ان کے تبادلے کی تجویز کا اس سے کوئی تعلق نہیں ہے۔ جسٹس اپادھیائے نے کہا کہ 20 مارچ کو سپریم کورٹ کے کالجیم کی میٹنگ سے پہلے ہی انکوائری شروع کر دی گئی تھی۔
یاد رہے کہ 14 مارچ کی رات تقریباً 11.35 بجے ورما کی لوٹینس دہلی کی رہائش گاہ میں آگ لگنے کے بعد مبینہ نقدی ملی تھی۔ اس کے بعد سی جے آئی سنجیو کھنہ کی سربراہی میں سپریم کورٹ کالجیم اور دہلی ہائی کورٹ نے کئی ہدایات جاری کیں، جس میں جسٹس ورما سے عدالتی کام واپس لینا بھی شامل ہے۔ تاہم جسٹس ورما نے اپنے اوپر لگائے گئے الزامات کی تردید کی ہے اور کہا ہے کہ وہ نقدی ان کی یا ان کے خاندان میں سے کسی نے نہیں رکھی تھی۔ انھوں نے کہا ہے کہ یہ انھیں پھنسانے اور بدنام کرنے کی ایک سازش ہے۔
بھارت ایکسپریس اردو
این ویڈیا کے سابق سربراہ نے بورڈ کی آزادانہ تحقیقات میں تعاون کا یقین دلایا،…
وزیراعظم مودی نے اہم معدنیات اور کان کنی کے شعبے میں مضبوط سپلائی چین قائم…
کواڈ کا قیام 2007 میں عمل میں آیا تھا، جبکہ 2017 میں اس کے درمیان…
منیلا میں کواڈ اجلاس سے خطاب کرتے ہوئے وزیر اعظم نے اس شہر کے ساتھ…
سرمایہ کاروں کو ہر ہفتے 6 سے 11 فیصد منافع دینے کا لالچ دے کر…
چیف جسٹس سوریہ کانت کی سربراہی والی بنچ نے راہل گاندھی اور دیگر درخواست گزاروں…