Satyapal Malik CBI Raid: جموں وکشمیر کے سابق گورنر ستیہ پال ملک کے گھر سی بی آئی کا چھاپہ، سماجوادی پارٹی سے لے کر بی جے پی تک میں رہے، پی ایم مودی پر لگاچکے ہیں بڑا الزام

 ملک کی سب سے بڑی جانچ ایجسنی مرکزی تفتیشی بیورو (سی بی آئی) نے جمعرات (22 فروری) کو 30 سے زیادہ ٹھکانوں پرریڈ کی ہے، جن میں جموں وکشمیرکے سابق گورنرستیہ پال کا گھرمیں شامل ہے۔ نیوزایجنسی اے این آئی نے ذرائع کے حوالے سے بتایا ہے کہ سی بی آئی کی یہ چھاپہ ماری مرکزکے زیرانتظام جموں وکشمیرمیں کرو ہائیڈروالیکٹرک پروجیکٹ کنٹریکٹ سے متعلق مبینہ بدعنوانی کے معاملے میں کی جا رہی ہے۔

حالانکہ یہ پہلا موقع نہیں ہے، جب سی بی آئی نے کرو ہائیڈروالیکٹرک پروجیکٹ معاملے میں ستیہ پال ملک کے ٹھکانوں پر چھاپہ ماری کی ہے۔ گزشتہ سال مئی میں بھی سی بی آئی نے اسی ماہ میں 12 مقامات پر چھاپہ ماری کی تھی، جس میں سے ایک لوکیشن ستیہ پال ملک کے سابق معاون کی تھی۔ جانچ ایجنسی نے سونک بالی کے یہاں چھاپہ ماری کی تھی، جو ستیہ پال ملک کا میڈیا ایڈوائزرتھا۔ وہیں ابھی یہ پتہ نہیں چل پایا ہے کہ جن 30 مقامات پر چھاپہ ماری چل رہی ہے، وہ کن ریاستوں میں ہیں۔

بھارت ایکسپریس۔