IndiGo: احمد آباد میں لینڈنگ کے دوران ٹریل اسٹرائیک کا شکار ہوا طیارہ، ڈی سی جی اے نے جانچ کا حکم دیا

ریاست گجرات کے شہر احمد آباد کے ایئر پورٹ پر ایک طیارہ کو ٹریل اسٹرائیک کا سامنا کرنا پڑا۔ بتایاجارہا ہے کہ احمد آباد کے سردار ولبھ بھائی پٹیل بین الاقوامی ہوائی اڈے پر لینڈنگ کے دوران انڈیگو کا ایک طیارہ  ٹریل اسٹرائیک کا شکار ہوگیا ۔ یہ طیارہ بنگلور سے احمد آباد جا رہا تھا ۔ اطلاعات کے مطابق تمام مسافر محفوظ ہیں ۔ اس سے قبل نئی دہلی ایئرپورٹ پر بھی ایسا ہی معاملہ سامنے آیا تھا۔ اس واقعہ کا نوٹس لیتے ہوئے ڈائریکٹوریٹ جنرل آف سول ایوی ایشن (ڈی جی سی اے) نے انکوائری کا حکم دیا ہے۔ ایک اہلکار نے کہا کہ ہمیں  جہاز کے ٹریل اسٹرائیک کی اطلاع ملی ہے۔ ڈی جی سی اے نے پائلٹس کی روسٹرنگ روکنے کا حکم دیا ہے۔

ایئر لائنز نے واقعہ کی تصدیق کی

 ایئر لائنز نے اپنے ایک بیان میں اس واقعہ کی تصدیق کی ہے اور کہا کہ احمد آباد جارہی انڈیگو کی فلائٹ نمبر 6 ای  6595احمد آباد میں اترتے وقت ٹریل اسٹرائیک کا شکار ہوگئی،جہاز کا معائنہ کیا جارہا ہے، اورمعاملہ کی جانچ بھی چل رہی ہے۔ اتوار کو ایک انڈیگو ایئر بس اے321 جہاز کولکاتہ سے دہلی کے انرا گاندھی بین الاقوامی ہوائی اڈہ پر اسی طرح ٹریل اسٹرائیک کا ۔شکار ہوگیا۔ جس کے بعد ڈی جی سی اے ایئر لائن کے کاک پِٹ میں کُرو کو اترنے کی ہدایت دی تھی۔

دہلی ایئرپورٹ پر بھی طیارہ ٹکرا گیا

ڈائریکٹوریٹ جنرل آف سول ایوی ایشن نے بتایا تھا کہ  کہ طیارے کی لینڈنگ کے دوران عملے کو احساس ہوا کہ لینڈنگ کے دوران کچھ گڑبڑ ہے۔ اس بارے میں ڈی جی سی اے نے کہا کہ لینڈنگ کے دوران طیارے کے پچھلے حصے کا نچلا حصہ رن وے کی سطح کو چھو گیا اور نقصان پہنچا۔

بھارت ایکسپریس۔