Fire in Trains at Tirupati Yard: تروپتی ریلوے اسٹیشن یارڈ میں کھڑی ٹرینوں میں لگی آگ، کسی جانی نقصان کی اطلاع نہیں

پیر کے روز تروپتی ریلوے اسٹیشن یارڈ میں کھڑی حصار-تروپتی اسپیشل ٹرین اور رائلسیما ایکسپریس کے ڈبوں میں آگ لگ گئی۔ سدرن سنٹرل ریلوے کے مطابق آگ پر قابو پالیا گیا ہے اور تروپتی ریلوے اسٹیشن سے باہر جانے والی یا آنے والی ٹرین خدمات میں کوئی خلل نہیں پڑا ہے، کیوں کہ یہ ٹرینیں یارڈ میں کھڑی تھیں۔

یہ واقعہ اس وقت پیش آیا جب حصار-تروپتی اسپیشل ٹرین کو اسٹیبلنگ یارڈ میں لے جایا گیا۔ شنٹنگ کے عمل کے دوران ایک جنرل کوچ میں آگ لگ گئی اور اسے فوری طور پر باقی کوچز سے الگ کر دیا گیا۔ آگ پر قابو پالیا گیا اور فائر بریگیڈ کی ٹیم نے ضروری آگ بجھانے کے اقدامات کیے۔ واقعے کی وجوہات کے بارے میں مزید تفتیش کی جارہی ہے۔

اتور کو ڈیز سے بھری ایک مال گاڑی میں لگ گئی تھی آگ

ریلوے پی آر او کے مطابق آگ کے شعلے دونوں ٹرینوں کی دو بوگیوں تک پھیل گئے جب وہ ریلوے یارڈ میں کھڑی تھیں۔ حکام کے مطابق کسی جانی نقصان کی اطلاع نہیں ہے۔ اس سے قبل اتوار کے روز اسی طرح کے ایک واقعے میں ڈیزل سے لدی ایک مال بردار ٹرین میں تمل ناڈو کے تروولور کے قریب آگ لگ گئی تھی، جس میں ٹرین کی کم از کم 19 ویگنیں جل گئیں۔

آگ لگنے کے بعد علاقے میں ٹرین خدمت متاثر ہوئی تھیں اور کئی ٹرینوں کو رد کرنا پڑا تھا۔ تاہم تازہ اطلاعات کے مطابق تمام خدمات معمول پر لوٹ آئی ہیں۔ جلی ہوئی ٹرین کی بوگیوں کو بھی ٹریک سے ہٹا لیا گیا ہے۔ اس حادثے میں کسی بھی جانی نقصان کی اطلاع نہیں ہے۔ تاہم ضلع کلکٹر ایم پرتاپ نے بتایا کہ احتیاطی تدابیر کے طور پر آگ لگنے کے بعد تروولور ریلوے اسٹیشن کے آس پاس رہنے والے لوگوں کو بھی محفوظ مقام پر منتقل کردیا گیا تھا۔

بھارت ایکسپریس اردو