Humsafar Express Train Fire: اچانک کوچ میں بھر گیا دھواں، ہم سفر ایکسپریس میں آگ سے مچا ہنگامہ، جانئے تفصیل

Humsafar Express Train Fire: ہفتہ کے روز(23 ستمبر) کوگجرات کے تروچراپلّی اورشری گنگا نگرکے درمیان چلنے والی ہمسفرایکسپریس ٹرین میں آگ لگ گئی۔ ٹرین میں آگ لگنے کا ویڈیو بھی سامنے آگیا ہے۔ دیکھا جا سکتا ہے کہ ٹرین سے دھواں نکل رہا ہے۔

آگ لگنے کے بعد فوری طور پر افراتفری مچ گئی لیکن یہ امر راحت کی بات ہے کہ اس دوران کوئی جانی و مالی نقصان نہیں ہوا۔ حکام نے بتایا کہ یہ واقعہ گجرات کے ولساڈ ضلع میں پیش آیا۔

ریلوے نے کیا کہا؟
ویسٹرن ریلوے کے سی پی آراوسمیت ٹھاکر نے کہا، ’’ریل نمبر22498 کی پاورکار/بریک وین کوچ میں آگ دیکھی گئی۔ اس کے بعد ملحقہ کوچ کے تمام مسافروں کو فوری طورپربحفاظت باہرنکال لیا گیا۔ ان کا مزید کہنا تھا کہ کسی جانی نقصان کی کوئی اطلاع نہیں ہے۔ اس ٹرین سے کوچ کو الگ کرنے کے بعد اسے جلد از جلد روانہ کر دیا جائے گا۔