Farmers Protest March: دہلی کی طرف کوچ کررہے ہیں کسان، نوئیڈا-دہلی سرحد پرسخت انتظام، لوگوں کو ٹریفک جام کا سامنا

کسانوں کوسمجھانے کی کوشش کی جارہی ہے، پھر نہیں نہیں مانے تو انہیں آگے نہیں جانے دیا جائے گا۔ سیکورٹی کے لحاظ سے 5 ہزار جوانوں کوتعینات کیا گیا ہے۔ ایک ہزار پی اے سی کے جوان تعینات ہیں۔ واٹرکینن اورٹیئرگیس جیسی صورتحال کو کنٹرول میں رکھنے کے لئے آلات چاہئے ہوتے ہیں۔ ان کو لگایا گیا ہے۔ شیوہری مینا کا کہنا ہے کہ لوگ ٹریفک جام کا شکارنہ ہوں، اس کے لئے اتوار کو ہی متبادل شاہراہوں کے ساتھ ڈائورژن روٹ اورایڈوائری جاری کردی گئی تھی

مہامایا فلائی اوور سے ہوتے ہوئے دہلی جائیں گے کسان

دراصل، کچھ کسان تنظیموں کا کہنا ہے کہ وہ مہامایا فلائی اوورسے ہوتے ہوئے دہلی جائیں گے اور پارلیمنٹ کا گھیراؤ کریں گے۔ کسانوں کا کہنا ہے کہ ان کے مطالبات تسلیم نہیں کئے گئے، وہ کافی وقت سے الگ الگ اتھارٹیوں پراحتجاج کررہے تھے۔ اتوارکوبھی کئی گھنٹے کی بات چیت ناکام رہی، اس کے بعد کسانوں نے دہلی کوچ کا فیصلہ دیا۔ کسانوں کے کل پانچ بڑے مطالبات ہیں، جن میں سے بڑھا ہوا معاوضہ ساتھ ہی ایکوائرکی گئی زمین 10 فیصد ترقی یافتہ زمین فراہم کرنے جیسے اہم مطالبات ہیں۔