قومی

Lok Sabha Election 2024: بہن میسا کیلئے ووٹ مانگنے آئے بھائی تیج پرتاپ نے کہا – ‘جو نہیں سدھریں گے انہیں سدھار دیں گے’

تیج پرتاپ یادو: لوک سبھا انتخابات کے دوران بہار کی کئی سیٹیں چرچا میں ہیں۔ ان میں پاٹلی پترا بھی شامل ہے۔ آر جے ڈی سپریمو لالو یادو کی بڑی بیٹی میسا بھارتی اس سیٹ سے الیکشن لڑ رہی ہیں۔ اسی دوران یہاں انتخابی مہم کے لیے آئے سابق وزیر تیج پرتاپ یادو نے اتوار کے روز کہا کہ پاٹلی پتر لوک سبھا حلقہ سمیت بہار کے لوگ امید بھری نظروں سے عظیم اتحاد کی طرف دیکھ رہے ہیں اور پاٹلی پتر لوک سبھا حلقہ میں میسا بھارتی کی جیت یقینی ہے۔ دھوکے باز سدھر جائیں کیونکہ میسا بھارتی کے بھائی تیج پرتاپ یادو اپنی بہن کو جتا نے کے لیے آیا ہے اور جو نہیں سدھریں گے ان کو سدھار دیا جائے گا۔

تیج پرتاپ یادو کا پی ایم نریندر مودی پر حملہ

تیج پرتاپ یادو نے کہا کہ ہندوستان بھر میں ‘انڈیا’ اتحاد کے حق میں ماحول ہے اور مرکز میں ‘انڈیا’ اتحاد کی حکومت بنے گی۔ انہوں نے الزام لگایا کہ این ڈی اے اتحاد کے لیڈر پی ایم نریندر مودی لوگوں میں مذہبی جنون پھیلانے اور لڑ وانے کا کام کرتے ہیں۔ سخت الزام لگاتے ہوئے انہوں نے کہا کہ جب سے مرکز میں این ڈی اے کی حکومت آئی ہے، شہید فوجیوں کی تعداد میں مسلسل اضافہ ہو رہا ہے۔

پاٹلی پترا سیٹ پر سخت مقابلہ

ساتھ ہی سابق وزیر نے کہا کہ ایک طرف پاٹلی پترا لوک سبھا حلقہ میں این ڈی اے امیدوار رام کرپال یادو کی مسلسل مخالفت ہو رہی ہے اور علاقے کے لوگ ان کے کام کا حساب مانگ رہے ہیں تو دوسری طرف میسا کی طرف امید بھری نگاہوں سے لوگ دیکھ رہے ہیں۔ آپ کو بتاتے چلیں کہ میسا بھارتی آر جے ڈی کے ٹکٹ پر پاٹلی پترا لوک سبھا سیٹ سے انتخابی میدان میں ہیں، وہیں دوسری طرف رام کرپال یادو بی جے پی کے ٹکٹ پر انتخابی میدان میں ہیں۔ اس بار یہاں کانٹے کی ٹکر مانی جا رہی ہے۔

بھارت ایکسپریس۔

Md Hammad

Recent Posts

Bhajan Sandhya at World Peace Centre: گروگرام کے ورلڈ پیس سینٹر میں 21 نومبر کو ’بھجن کلبنگ‘ کا انعقاد، گورنر سدھا یادو کریں گی افتتاح

مرکزی وزیر گجیندر سنگھ شیخاوت اور آچاریہ لوکیش جی نے برطانیہ کے ہاؤس آف لارڈز…

48 minutes ago

Women’s Asian Champions Trophy: ویمنز ایشین چیمپئنز ٹرافی، بھارت نے ملائیشیا کو 4-1 سے شکست دے کر کیا فاتحانہ آغاز، ڈیبیو میچ میں پوجا ساہو نے داغا گول

موجودہ چیمپئن بھارت نے ویمنز ایشین چیمپئنز ٹرافی 2026 میں شاندار آغاز کرتے ہوئے ملائیشیا…

2 hours ago