Bahraich Durga Idol Immersion Violence: بہرائچ میں درگا مورتی وسرجن جلوس کے دوران تشدد،  ہنگامہ آرائی کے بعد سخت کارروائی، ایس ایچ او اور چوکی انچارج معطل، 25 گرفتار

بہرائچ تشدد: یوپی کے بہرائچ میں اتوار کے روزدرگا د مورتی کے وسرجن کے دوران فائرنگ اور پتھراؤ کے واقعہ سے کشیدگی بڑھ گئی ہے۔ اس واقعہ کے خلاف کئی مقامات پر رات دیر گئے تک احتجاج دیکھا گیا۔ جس پر سی ایم یوگی آدتیہ ناتھ نے سخت کارروائی کی ہدایت دی۔ اس واقعے کے بعد ایس ایچ او اور چوکی انچارج کو معطل کر دیا گیا ہے۔ 25 افراد کو گرفتار کر لیا گیا ہے اور ان سے پوچھ گچھ کی جا رہی ہے۔

اس معاملے میں دیر رات پولیس افسران نے ذمہ دار افسران کے خلاف کارروائی کرتے ہوئے ہردی تھانے کے ایس ایچ او اور مہسی چوکی کے انچارج کو معطل کر دیا۔ پولیس کی ابتدائی تفتیش میں یہ بات سامنے آئی ہے کہ ایس ایچ او اور اسٹیشن انچارج نے اس معاملے میں لاپرواہی برتی، جس کی وجہ سے ہنگامہ بڑھ گیا اور ماحول خراب ہوا۔

25 افراد کو کیا گیاگرفتار

الزام ہے کہ جب دونوں فریقوں کے درمیان جھگڑا بڑھ گیا تو موقع پر موجود پولیس خاموش تماشائی بنی رہی۔ ایس او بھی موقع پر موجود نہیں تھا۔ وسرجن یاترا کے دوران پتھراؤ کے واقعہ کے خلاف جب پوجا کمیٹی کے لوگوں نے احتجاج کیا تو پولیس نے ان لوگوں پر لاٹھی چارج کیا۔ جس کے بعد بھگدڑ مچ گئی جس کے بعد کشیدگی مزید بڑھ گئی۔ پولیس نے اس معاملے میں دونوں طرف سے 25 لوگوں کو گرفتار بھی کیا ہے۔ جن سے پوچھ گچھ کی جا رہی ہے۔

ایس پی نے یہ جانکاری دی

اس بارے میں جانکاری دیتے ہوئے ایس پی ورندا شکلا نے بتایا کہ اس واقعہ کے سلسلے میں سلمان نامی بدمعاش اور دیگر کا نام لیا گیا ہے۔ دیگر ملزمان کی شناخت کی جا رہی ہے۔ ملزمان کی گرفتاری کے لیے ٹیمیں روانہ کر دی گئی ہیں۔ انتظامی حکام کو سمجھانے کے بعد مورتیوں کا وسرجن شروع کر دیا گیا ہے۔ ہنگامہ آرائی کے بعد اس علاقے میں تقریباً 1100 مورتیوں کا وسرجن روک دیا گیا۔ ملزم کی گرفتاری کے بعد رام لیلا کمیٹی کے لوگوں نے مورتیوں کو وسرجن شروع کر دیا۔

دراصل، بہرائچ کے ہردی تھانہ علاقے کے مہاراج گنج شہر سے ریہوا منصور گاؤں تک مورتی وسرجن جلوس نکل رہا تھا، جلوس میں بج رہے گانے پر دوسری برادری کے کچھ لوگوں نے اعتراض کیا، جس کے بعد تنازعہ بڑھ گیا اور پتھراؤ ہو گیا۔ فائرنگ شروع ہو گئی، جس کے بعد فریقین کے درمیان ہنگامہ آرائی بڑھ گئی۔ اس ہنگامہ آرائی میں ریہوا منصور گاؤں کا رہنے والا 22 سالہ رام گوپال مشرا  زخمی ہوگیا۔ بعد میں علاج کے دوران اس کی موت ہوگئی۔

ریاست کے وزیر اعلی یوگی آدتیہ ناتھ بھی اس معاملے کو لے کر سخت دکھائی دے رہے ہیں۔ چیف منسٹر نے عہدیداروں کو شرپسندوں کی نشاندہی کرکے سخت کارروائی کرنے کی ہدایت دی ہے اور مذہبی تنظیموں سے بات چیت کرنے کے بعد مورتی کو وقت پر وسرجن کرنے کو کہا ہے۔ سی ایم یوگی نے کہا کہ انتظامیہ اور پولیس اہلکار موقع پر موجود ہوں اور جن لوگوں کی لاپرواہی سے یہ واقعہ پیش آیا ان کی نشاندہی کی جائے اور کارروائی کی جائے۔

بھارت ایکسپریس۔