Parliament: راہل گاندھی اور لوک سبھا اسپیکر برلا کے درمیان مائیک بند کرنے پر ایوان میں بحث

Parliament:  کانگریس کے رکن پارلیمنٹ راہل گاندھی ایوان کے باہر لگاتار الزام لگا رہے ہیں کہ انہیں ایوان میں بولنے نہیں دیا جاتا اور جب وہ بولنا چاہتے ہیں تو ان کا مائیک بھی بند کر دیا جاتا ہے۔

منگل کو لوک سبھا میں راہل گاندھی اور لوک سبھا اسپیکر اوم برلا کے درمیان بحث بھی ہوئی اور اس بار راہل گاندھی نے لوک سبھا کے اندر اپنے الزامات کو دہرایا۔

درحقیقت منگل کو صدر کے خطاب پر شکریہ کی تحریک پر تقریر کرنے کے بعد جیسے ہی راہل گاندھی اپنی نشست پر بیٹھے اور ڈی ایم کے ایم پی کنیموئی بولنے کے لیے کھڑی ہوئی، اسی دوران اراکین اسمبلی کو نصیحت کرتے ہوئے اوم برلا نے کہا کہ کوئی اپنے سفر پر بات کر رہے ہیں تو کوئی کسی دیگر معاملہ پر جبکہ اراکین پارلیمنٹ کو صدر کے خطاب پر بات کرنی چاہیے۔ راہل گاندھی نے فوراً کھڑے ہو کر اس کا جواب دیا۔

اس کے بعد اوم برلا نے کہا کہ بولنے کا موقع ملنے کے باوجود ایوان کے باہر جا کر الزام نہیں لگانا چاہئے کہ ایوان میں بولنے کا موقع نہیں دیا جاتا اور مائیک بند کردیا جاتا ہے۔

یہ بھی پڑھیں- Nitish Kumar :راہل کو 2024 میں اپوزیشن کا وزیر اعظم نامزد کیا جاتا ہے تو نتیش کو کوئی اعتراض نہیں ہے،کمل ناتھ کے بیان پر آیا نتیش کا ردعمل

اسپیکر کے مشورے کا فوراً جواب دیتے ہوئے راہل گاندھی نے ایوان کے اندر اپنے الزام کو دہراتے ہوئے کہا کہ حقیقت یہ ہے کہ آپ مائیک بند کر دیتے ہیں۔

اس پہلے بھی الزام لگا چکے ہیں راہل

اس پہلے بھی راہل گاندھی نے کئی بار الزام لگایا ہے کہ ایوان میں انہیں بولنے نہیں دیا جاتا ہے۔ کبھی مائیک بند کر دیا جاتا ہے تو کبھی بولنے سے روک دیا جاتا ہے۔

-بھارت ایکسپریس