Swamy files PIL to quash Rahul Gandhi’s citizenship: راہل گاندھی کی ہندوستانی شہریت منسوخ کرنے کا مطالبہ، بی جے پی لیڈرسبرامنیم سوامی نے دہلی ہائی کورٹ کا دروازہ کھٹکھٹایا

بی جے پی لیڈر سبرامنیم سوامی نے دہلی ہائی کورٹ میں درخواست دائر کی ہے جس میں کانگریس کے رکن پارلیمنٹ اور لوک سبھا میں اپوزیشن لیڈر راہل گاندھی کی ہندوستانی شہریت منسوخ کرنے کا مطالبہ کیا گیا ہے۔ سوامی نے اپنی درخواست میں دعویٰ کیا ہے کہ راہل گاندھی کے پاس برطانوی شہریت ہے۔ ان کے پاس برطانوی پاسپورٹ ہے۔ انہوں نے وزارت داخلہ سے اس معاملے میں کارروائی کرنے کا مطالبہ کیا ہے۔ دہلی ہائی کورٹ اگلے ہفتے سوامی کی طرف سے دائر عرضی پر سماعت کر سکتی ہے۔

سوامی نے اپنی درخواست میں کہا ہے کہ راہل گاندھی برطانیہ کی رجسٹرڈ کمپنی بیکلوپس لمیٹڈ کے ڈائریکٹرز میں سے ایک ہیں۔ ان کا دعویٰ ہے کہ کمپنی نے 2005 اور 2006 کے سالانہ ریٹرن فائل کیے تھے۔ ان کے مطابق راہل گاندھی کی تاریخ پیدائش 19 جون 1970 ہے۔

سوامی نے 2019 میں ایک خط لکھا تھا۔’

آپ کو بتا دیں کہ سبرامنیم سوامی نے گزشتہ ہفتے راہل گاندھی کی شہریت کو لے کر بڑا الزام لگایا تھا۔ سوامی نے کہا تھا کہ راہل گاندھی کے پاس برطانوی شہریت ہے۔ اس کے بارے میں سوامی نے اگست 2019 میں وزارت داخلہ کو ایک خط لکھا تھا اور کہا تھا کہ راہل گاندھی ہندوستانی آئین کے آرٹیکل 9 کے تحت کسی ایک ملک کے شہری ہوسکتے ہیں، لیکن وزارت داخلہ نے پانچ سالوں میں یہ واضح نہیں کیا کہ یہ اس معاملے پر کیا فیصلہ یا اقدام کیا ہے؟ اس سے پہلے راہل گاندھی کی شہریت کا مسئلہ کئی بار اٹھ چکا ہے۔ اس سلسلے میں آر ٹی آئی بھی دائر کی گئی تھی۔