Delhi-NCR Weather Today: دہلی-این سی آر میں بارش کا سلسلہ جاری، موسم کا ٹرپل اٹیک ، بارش ،دھوپ اور امس کرئے گی پریشان

دہلی این سی آر میں گزشتہ کئی دنوں سے وقفے وقفے سے ہونے والی بارش کے باعث موسم خوشگوار بنا ہوا ہے۔ جولائی کے مہینے میں درجہ حرارت 30 سے 34 ڈگری سیلسیس کے درمیان برقرار ہے۔ لوگوں کو فی الحال شدید گرمی کا سامنا نہیں کرنا پڑ رہا۔ تاہم بارش کی وجہ سے حبس میں مسلسل اضافہ ہو رہا ہے۔
آج 12 جولائی، ہفتہ کے دن کا موسم بھی پورے دہلی این سی آر میں ملا جلا رہے گا۔ یعنی بارش بھی ہوتی رہے گی، حبس میں بھی اضافہ ہوگا اور ساتھ ہی دھوپ بھی نکلے گی۔

یہی نہیں، دہلی میں آج سے درجہ حرارت میں کچھ اضافہ دیکھنے کو مل رہا ہے، جس کی وجہ سے کہا جا سکتا ہے کہ دہلی میں آج خاص طور پر لوگوں کو شدید حبس اور گرمی کا سامنا کرنا پڑے گا۔ دہلی این سی آر میں آج دھوپ، گرمی اور حبس کا “ٹرپل اٹیک“ رہے گا، جبکہ نوئیڈا، غازی آباد، گڑگاؤں، فرید آباد اور گریٹر نوئیڈا میں بھی درجہ حرارت تقریباً 34 ڈگری سیلسیس کے آس پاس رہے گا۔

دہلی میں بارش کا آغاز

بھارت کے محکمہ موسمیات کے مطابق دہلی این سی آر کے کئی علاقوں میں رات بھر تیز بارش ہوئی ہے۔ خاص طور پر دہلی اور غازی آباد سمیت پورے این سی آر میں رات بھر وقفے وقفے سے ہلکی بارش ہوئی ہے۔ فی الحال بھی دہلی این سی آر اور آس پاس کے ریاستوں میں کہیں کہیں ہلکی تو کہیں کہیں شدید بارش ہونے کا امکان ہے۔
بھارتی محکمہ موسمیات نے اس پیش گوئی کو مدنظر رکھتے ہوئے ییلو الرٹ جاری کر دیا ہے۔ یعنی آج صبح کی شروعات اچھی بارش کے ساتھ ہوگی، اس کے بعد موسم صاف ہو جائے گا، لیکن بادلوں کی آمدورفت جاری رہے گی۔ آج 25 سے 40 کلومیٹر فی گھنٹہ کی رفتار سے ہوائیں چلتی رہیں گی۔

ییلو الرٹ جاری

بھارتی محکمہ موسمیات (IMD) نے آج کے دن کے لیے “ییلو الرٹ“ جاری کیا ہے۔ اس کا مطلب ہے کہ لوگ محتاط رہیں کیونکہ دن کے کسی بھی وقت تیز بارش اور تیز ہوائیں چل سکتی ہیں۔
ہوائیں 25 سے 40 کلومیٹر فی گھنٹہ کی رفتار سے چل سکتی ہیں، جس سے موسم میں کچھ ٹھنڈک کا احساس ہوگا۔

بھارت ایکسپریس اردو