Delhi Metro News: دہلی میٹرو نے اپنا ہی ریکارڈ توڑ ا، 4 ستمبر کو 71 لاکھ سے زیادہ لوگوں نے کیا سفر

دہلی میٹرو کے مسافروں کے لیے بڑی خبر، یلو لائن پر سفر کرنے والے جان لیں DMRC کی نئی ٹائمنگ

Delhi Metro News: دہلی میٹرو کو ایک دہلی کی لائف لائن کہا جاتا ہے اور اس بات سے کوئی انکار بھی نہیں کرسکتا ہے ۔اس کا آغاز 24 دسمبر 2002ء کو ہوا۔دہلی میٹرو نے 4 ستمبر کو 71.03 لاکھ یومیہ مسافروں کے سفر کا ریکارڈ کیا جو اب تک کی سب سے زیادہ تعداد ہے۔ اس کے ساتھ ہی میٹرو نے کچھ دن پہلے بنایا اپنا ہی ریکارڈ توڑ دیا۔اس سے پہلے 29 اگست کو یہ تعداد 69.94 لاکھ تھی۔

دہلی میٹرو کے ایک سینئر عہدیدار نے کہا، “دہلی میٹرو ریل کارپوریشن (DMRC) نے پیر کو غیر معمولی 71.03 لاکھ مسافر سواری ریکارڈ کرکے پچھلے ہفتے قائم کردہ سب سے زیادہ مسافر سواری کا ریکارڈ توڑ دیا، جو دہلی میٹرو پر اب تک کا سب سے زیادہ ہے۔ روزانہ مسافر سفر کر رہے ہیں۔”

میٹرو کے مطابق 29 اگست سے پہلے 28 اگست کو سب سے زیادہ 68.16 لاکھ مسافروں کی تعداد ریکارڈ کی گئی تھی۔
سرکاری اعداد وشمار کے مطابق

سرکاری اعداد وشمار کے مطابق پیر کو یلولائن پر سب سے زیادہ مسافروں کی تعداد 19,35,752 درج کی گئی ہے، اس کے بعد بلیو لائن (18,74,167), ریڈ لائن (7,68,742), وائیلیٹ لائن (7,36,237)، پنک لائن ( 7,04,545)، میجنٹا لائن (5,92,338)، گرین لائن (3,35,529)، ایئرپورٹ لائن (69,527)، ریپڈ میٹرو (47,733) اور گرے لائن پر (38,941) مسافروںنے سفر کیا ہے۔

میٹرو ٹورسٹ اسمارٹ کارڈ کا آغاز

ڈی ایم آر سی کے ترجمان نے کہا، ‘ڈی ایم آر سی دہلی-این سی آر خطے میں کنیکٹیوٹی کو بڑھاتے ہوئے مسافروں کی حفاظت اور آرام کو ترجیح دے رہا ہے۔ یہ ریکارڈ قابل اعتماد اور پائیدارٹرانسپوٹیشن کے حل فراہم کرنے کے ہمارے مشن کی عکاسی کرتا ہے۔ ڈی ایم آر سی نے راجدھانی میں منعقد ہونے والے جی 20 سربراہی اجلاس کے لیے اگلے 10 دنوں کے لیے ‘ٹورسٹ اسمارٹ کارڈ’ شروع کیا ہے۔ ڈی ایم آر سی اس سروس کے لیے 36 اسٹیشنوں پر کاؤنٹر بنا رہا ہے۔ قابل ذکر بات یہ ہے کہ تمام میٹرو اسٹیشنوں سے ‘ٹورسٹ اسمارٹ کارڈ’ لیا جا سکتا ہے۔

بھارت ایکسپریس

Abu Danish Rehman