MCD Mayor Election 2025: عام آدمی پارٹی نہیں لڑے گی ایم سی ڈی میئرکا الیکشن، سابق وزیراعلیٰ آتشی نے کیا بڑا اعلان، بی جے پی پرلگایا یہ الزام

Delhi MCD Mayor Election 2025: دہلی میونسپل کارپوریشن 2025 کے الیکشن سے متعلق سابق وزیراعلیٰ اور عام آدمی پارٹی کی لیڈرآتشی نے بڑا اعلان کیا ہے۔ انہوں نے کہا ہے کہ عام آدمی پارٹی میئرکا الیکشن نہیں لڑے گی۔ آتشی نے کہا کہ بی جے پی جہاں جہاں الیکشن ہارتی ہے، وہاں طاقت، جبراورپیسوں کا استعمال کرتی ہے۔ یعنی سام دام دنڈ بھید سب اپناتی ہے۔ بی جے پی دوسری پارٹیوں کو توڑکرحکومت بناتی ہے۔ ایم سی ڈی کو ری-یونیفکیشن کراکر272 سے 250 وارڈ ہوا، الیکشن تاخیرسے ہوئے، ایم سی ڈی ڈی لمیٹیشن (ایم سی ڈی کی حد بندی ہوئی) ہوئی۔ ایم سی ڈی کا الیکشن گجرات کے الیکشن کے ساتھ کروایا گیا۔ پھربھی عام آدمی پارٹی ایم سی ڈی میں اکثریت لے کرآئی۔

آتشی نے مزید کہا، “ان کی کوئی بھی کوشش کامیاب نہیں ہوئی۔ بی جے پی گزشتہ ڈھائی سالوں سے عام آدمی پارٹی کے کونسلروں پردباؤ بنا کر اورتوڑکر بی جے پی میں لے کرگئی۔ ہم دہلی کی عوام کا احترام کرتے ہیں، کسی بھی رکن اسمبلی اور کونسلرکو خریدتی اورتوڑتی نہیں ہے۔ عام آدمی پارٹی میئرکا الیکشن نہیں لڑے گی۔” انہوں نے کہا کہ بی جے پی نے کونسلروں کو توڑنے خریدنے کے بعد اپنی تعداد بڑھالی ہے، لیکن ہم نے یہ سب نہیں کیا ہے اور نہ ہم کرتے ہیں، اس لئے عام آدمی پارٹی نے میئرالیکشن نہ لڑنے کا فیصلہ کیا۔ بی جے پی کوکرنے دیتے ہیں کہ وہ دہلی والوں کے لئے کیا کرسکتے ہیں۔

دہلی میں ٹرپل انجن کی حکومت، ایک انجن ایل جی: سوربھ بھاردواج

اس معاملے پر بی جے پی کا بھی ردعمل سامنے آگیا ہے۔ دہلی بی جے پی کے ترجمان پروین شنکر کپور نے کہا، “عام آدمی پارٹی جانتی ہے کہ وہ دہلی میونسپل کارپوریشن میں نہ صرف اکثریت گنوا چکی ہے، بلکہ گزشتہ ڈھائی سال میں میونسپل کارپوریشن کا انتظامی اوردیکھ بھال دونوں کام ٹھپ ہوکررہ گئے ہیں۔ لہذا اب عام آدمی پارٹی ترک کرنے کا ڈرامہ کررہی ہے اورممکن ہے کہ یہاں سے عام آدمی پارٹی اور کانگریس کا اتحاد ہوجائے۔”