بٹلہ ہاؤس میں خوف وہراس کا ماحول برقرار ہے۔
دہلی ہائی کورٹ نے عام آدمی پارٹی کے ایم ایل اے امانت اللہ خان کو بٹلہ ہاؤس میں انہدامی کارروائیوں کے خلاف اپنی درخواست واپس لینے کی اجازت دے دی، لیکن متاثرہ لوگوں کو عدالت سے رجوع کرنے کے لیے تین دن کی مہلت دی ہے۔ عدالت نے کہا کہ بٹلہ ہاؤس میں اگلے ہفتے تک کوئی انہدائی کارروائی نہیں کی جائے گی۔
عدالت نے کہا کہ ’’ہمیں یہ دیکھنے کی ضرورت ہے کہ اس وقت حکام کیوں سوتے رہتے ہیں جب لوگ عمارتیں کھڑی کرتے ہیں اور ایک دن اچانک جات اٹھتے ہیں اور انھیں مندہم کرنے کا فیصلہ کرتے ہیں۔ ہمیں انصاف کو یقینی بنانے کی ضرورت ہے۔‘‘ یہ حکم اس وقت آیا ہے جب دہلی ڈیولپمنٹ اتھارٹی نے انہدامی کارروائی کو روکنے کی کسی بھی آفیشیل یقین دہانی سے انکار کر دیا تھا۔
عدالت نے کہا کہ ایک عرضی پر عام حکم پاس کرنے سے انفرادی قانونی چارہ جوئی کا معاملہ خطرے میں پڑ سکتا ہے اور عدالت کو اس معاملے کی سماعت کرنے کی ضرورت ہے۔ جسٹس گریش کٹھپالیا اور تیجس کریا پر مشتمل بنچ نے کہا کہ عدالت مفاد عامہ کی عرضیوں کے ذریعہ اس معاملے پر بحث نہیں کر سکتی اور یہ نتیجہ خیز نہیں ہوگا۔
متاثرہ لوگ عدالت کا رخ کریں: دہلی ہائی کورٹ
جب وکیل نے عشرت جہاں کے معاملے کا حوالہ دیا، جس میں ہائی کورٹ کے سنگل جج بنچ نے انھیں راحت دی تھی، تو بنچ نے کہا کہ متاثرہ شخص کو عشرت جہاں کی طرح خود عدالت سے رجوع کرنا چاہیے۔ وہیں امانت اللہ خاں کے وکیل نے کہا کہ مسماری کا عمل خسرہ نمبر 279 سے بھی آگے بڑھ رہا ہے کیوں کہ اس کے باہر کے مکانات کو بھی نشان زد کیا گیا ہے اور بےترتیبی کے ساتھ ساتھ نوٹس لگائے گئے ہیں۔
عدالت نے کہا کہ خسرہ نمبر 279 کے باہر جن عمارتوں پر نوٹس لگا ہے وہ سپریم کورٹ کے ذریعہ فراہم کردہ فریم ورکت کے تحت قانونی سہارا لے سکتے ہیں۔ اپنی درخواست میں امانت اللہ خان نے الزام لگایا تھا کہ ڈی ڈی اے کی طرف سے انفرادی ڈھانچے کی شناخت کیے بغیر یا انفرادی ڈھانچے یا رہائشیوں کی شناخت کیے بغیر مبہم اور عام نوٹس جاری کیے گئے ہیں اور اس طرح شہریوں کو ان کے آئینی حقوق سے محروم کیا گیا ہے۔ عدالت نے متاثرین کو عدالت کا رخ کرنے کے لیے اس لیے کہا ہے، کیوں کہ ڈی ڈی اے کا دعویٰ ہے کہ موجودہ عرضی PIL کے طور پر قابل سماعت نہیں ہے۔
بھارت ایکسپریس اردو
وزیر اعلیٰ نے اسپتالوں کا دورہ کرکے مریضوں کی عیادت کی اور بہتر علاج فراہم…
سابق شوہر کرونگ اونلر کی جانب سے دائر فوجداری ہتک عزت کے مقدمے میں عدالت…
بھارت اے نے نیپال کو 306 رنز سے عبرتناک شکست دی، پوری ٹیم 11.3 اوور…
وزیر اعظم نریندر مودی نے دہلی میں منعقدہ پہلے ایس سی او تہذیبی مکالمہ فورم…
تین روزہ کانفرنس میں ملک و بیرون ملک کے نوجوان محققین، سائنس دانوں اور طبی…
سوشل میڈیا پر وائرل ویڈیو میں گھر کے مرکزی دروازے کے قریب آگ کے شعلے…