منیش سسودیا کے بیان درج کئے گئے، جانچ جاری ہے… کلاس روم گھوٹالہ میں پوچھ گچھ کے بعد اے سی بی کا بیان

دہلی کی سابق نائب وزیراعلیٰ منیش سسودیا جمعہ کے روزاینٹی کرپشن بیورو(اے سی بی) کے سامنے پیش ہوئے۔ اے سی بی نے ان سے دہلی حکومت کے اسکولوں میں کلاس روم اوراسکول بلڈنگ کی تعمیرمیں مبینہ طوربے ضابطگیوں اورلاگت میں اضافے سے متعلق معاملے کی پوچھ گچھ کی۔ یہ پوچھ گچھ صبح 11 بجے شروع ہوئی اوردوپہر2:30 بجے تک چلی۔ اے سی بی کے جوائنٹ پولیس کمشنر نے بتایا کہ ایک آزاد پنچ گواہ کی موجودگی میں منیش سسودیا سے سوال وجواب کئے گئے اور ان کے بیان درج کئے گئے۔ اس معاملے میں ابھی جانچ جاری ہے۔

پوچھ گچھ سے پہلے منیش سسودیا نے میڈیا سے بات چیت میں بی جے پی پرسخت حملہ بولا۔ انہوں نے اس پوچھ گچھ کو سیاست سے متاثر قراردیتے ہوئے کہا کہ دہلی میں تعلیم کے میدان میں شاندارکام ہوا ہے۔ بہترین اسکول بنے، بچوں کی پڑھائی میں سدھارہوا، یہ پورا ملک جانتا ہے۔ تاہم بی جے پی اپنی ایجنسیوں کا غلط استعمال کرکے فرضی ایف آئی آردرج کرتی ہے۔ انہوں نے یہ بھی کہا کہ گزشتہ 10 سالوں میں بی جے پی نے ان کی اوران کی پارٹی کے لیڈران کی زندگی کھنگالنے کی کوشش کی، لیکن انہیں کچھ نہیں ملا۔

بی جے پی صرف ایف آئی آر-ایف آئی آرکھیل رہی ہے: منیش سسودیا

منیش سسودیا نے بی جے پی رکن پارلیمنٹ منوج تیواری پربھی تنقیدکی۔ انہوں نے کہا کہ منوج تیواری نے مجھ پرجھوٹے الزام لگائے تھے، جب میں نے ان کے خلاف ہتک عزت کا مقدمہ کیا تووہ ضمانت لے کربھاگ رہے ہیں۔ منیش سسودیا نے بی جے پی پرعوام کا دھیان بھٹکانے کے لئے فرضی معاملہ درج کرنے کا الزام لگایا اورکہا کہ بی جے پی صرف ایف آئی آر-ایف آئی آرکھیل رہی ہے، لیکن اس میں کچھ نکلے گا نہیں۔

دہلی حکومت پر سسودیا کا بڑا الزام