قومی

Haryana Congress List: کانگریس نے جاری کی 5 امیدواروں کی ایک اور فہرست، جانئے انل وج کے خلاف کس کو دیا ٹکٹ

Haryana Congress List: کانگریس نے ہریانہ اسمبلی انتخابات کے لیے اپنے امیدواروں کی چوتھی فہرست جاری کر دی ہے۔ اس فہرست میں کل پانچ نام ہیں۔ کانگریس نے امبالہ کینٹ سے پریمل پری کو ٹکٹ دیا ہے۔ وہیں رانیہ سے سرو متر کمبوج، تیگاؤں سے روہت ناگر، پانی پت دیہی سے سچن کنڈو اور نروانا (ایس سی) سے ستبیر دبیلن کو ٹکٹ دیا گیا ہے۔ اس سے چند گھنٹے پہلے کانگریس نے تیسری فہرست جاری کی تھی۔ اس میں راجیہ سبھا ایم پی رندیپ سرجے والا کے بیٹے آدتیہ سرجے والا کو کیتھل سے ٹکٹ دیا گیا ہے۔

آپ کو بتا دیں کہ کانگریس نے ہریانہ کی 90 میں سے 86 اسمبلی سیٹوں کے لیے اپنے امیدواروں کے ناموں کا اعلان کر دیا ہے۔ فی الحال چار امیدواروں کے نام زیر التوا ہیں۔ جمعرات کو نامزدگی کی آخری تاریخ بھی ہے۔ ووٹنگ 5 اکتوبر کو ہونی ہے۔ نتائج کا اعلان 8 اکتوبر کو کیا جائے گا۔ کانگریس نے اب تک 12 لیڈروں کو ٹکٹ دیا ہے جو 2019 کے اسمبلی انتخابات میں ہار گئے تھے۔ ساتھ ہی 34 نئے چہرے بھی امیدوار بنائے گئے ہیں۔

رانیہ سے الیکشن لڑیں گے یوٹیوبر سروامتر کمبوج

کانگریس نے یوٹیوبر سروامتر کمبوج پر بھی اعتماد ظاہر کیا ہے، جو حال ہی میں پارٹی میں شامل ہوئے ہیں۔ انہیں رانیہ اسمبلی سیٹ سے میدان میں اتارا گیا ہے۔ انبالہ کے ایم پی ورون چودھری کی بیوی پوجا چودھری کو مُلانا سے ٹکٹ دیا گیا ہے۔ ورون چودھری کے لوک سبھا انتخابات جیتنے کے بعد مُلانا سیٹ خالی ہوئی تھی۔

یہ بھی پڑھیں- Haryana AAP Candidates List: عام آدمی پارٹی نے ہریانہ انتخابات کے لیے جاری کی پانچویں فہرست، توشام اور پلوال سے ان امیدواروں کودیے ٹکٹ

پریمل پری کو امبالہ کینٹ سے ملا ٹکٹ

پریمل پری کو امبالہ کینٹ سے ریاست کے سابق وزیر داخلہ انل وج کے خلاف میدان میں اتارا گیا ہے۔ 2019 کے انتخابات میں کانگریس نے یہاں سے وینو سنگلا کو ٹکٹ دیا تھا، جو بی جے پی کے انل وج سے 20,165 ووٹوں سے ہار گئے تھے۔ عام آدمی پارٹی سے اس سال کانگریس میں واپس آنے والی چترا سروارا کا نام بھی اس سیٹ پر ٹکٹ کی دوڑ میں شامل تھا۔ لیکن، پارٹی نے انہیں ٹکٹ نہیں دیا اور پریمل پری کے نام کو منظوری دے دی۔

-بھارت ایکسپریس

Mohd Sameer

Recent Posts

Gautam Adani, Chairman of the Adani Group: ماتا امرتا آنندمئی سے ملاقات انتہائی جذباتی اور متاثر کن تجربہ تھا: گوتم اڈانی

نائب صدر جمہوریہ سی پی رادھا کرشنن نے کیرالہ کے کولم ضلع میں واقع امرت…

19 minutes ago

Prime Minister Narendra Modi: اے آئی ہو یا کوئی نئی ٹیکنالوجی، ہنرمند شخص کی روزی روٹی کوئی نہیں چھین سکتا: وزیر اعظم مودی

وزیر اعظم نے کہا کہ ہنرمندی کے ذریعے لوگوں کو بااختیار بنانا اور ان کے…

2 hours ago

Balendra Shah India Visit: نیپال کے وزیر اعظم بالیندر شاہ آج پہنچیں گے بھارت، پیر کو وزیر اعظم مودی کے ساتھ ہوگی اہم ملاقات

بھارتی وزارت خارجہ نے اپنے بیان میں کہا ہے کہ بھارت اور نیپال کے درمیان…

2 hours ago