جموں و کشمیر انتخابات کے لیے کانگریس نے جاری کی پہلی فہرست، 3 سابق صدور بھی شامل
Congress Bank Account Freeze: کانگریس نے بینک کھاتوں کو منجمد کرنے کو لے کر سپریم کورٹ سے رجوع کیا ہے۔ بینک اکاؤنٹس منجمد کرنے کے فیصلے کے خلاف جمعرات (21) کو پارٹی کی طرف سے سپریم کورٹ میں ایک درخواست دائر کی گئی ہے۔ آج ایک پریس کانفرنس میں کانگریس قائدین نے کہا کہ وہ انتخابی مہم کے لئے اپنے کھاتوں سے رقم نہیں نکال پا رہے ہیں۔ جس کے بعد یہ قدم اٹھایا گیا ہے۔ کھاتوں کو منجمد کرنے کو لے کر کانگریس اور مرکزی حکومت کے درمیان بھی تناؤ ہے۔
دراصل گزشتہ ماہ محکمہ انکم ٹیکس نے کانگریس کے بینک کھاتوں کو منجمد کر دیا تھا۔ اس کو لے کر کافی تنازعہ ہوا اور پارٹی نے حکومت پر جان بوجھ کر کارروائی کرنے کا الزام لگایا۔ تاہم، محکمہ نے کہا کہ 2018-19 کے لیے انکم ٹیکس جمع کرانے میں بے ضابطگیاں نظر آئیں، جس کے بعد یہ قدم اٹھایا گیا ہے۔ انکم ٹیکس نے الزام لگایا کہ کانگریس پارٹی کے آڈیٹرز نے رقم کا غلط استعمال کیا۔ اس نے پارٹی پر ٹیکس سے متعلق جرائم میں ملوث ہونے کا الزام بھی لگایا۔
بینک اکاؤنٹس کو نہیں، جمہوریت کو کیا گیا منجمد: راہل
راہل گاندھی نے کہا کہ آج ہندوستان میں جمہوریت بچی ہی نہیں ہےچونکہ جب آپ سب سے قدیم پارٹی اور بڑی اپوزیشن پارٹی کے اکاونٹ کو منجمد کررہے ہیں اور ہر طرف خاموشی ہے۔تو مطلب ہے کہ جمہوریت کا گلا گھوٹنا جارہا ہے۔ آج ہم الیکشن کے سر پر ہوتے ہوئے بھی کانگریس پارٹی تشہیری مہم شروع نہیں کرپارہی ہے چونکہ یہ مجرمانہ واردات پی ایم مودی کی قیادت میں انجام دیا گیا ہے تاکہ معاملہ یکطرفہ کردیا جائے۔ راہل گاندھی نے مزید کہا کہ حکمراں جماعت صرف کانگریس کے اکاونٹ کو فریج نہیں کررہی ہے بلکہ یہ قدم جمہوریت کو فریج کرنے کے مترادف ہے۔ راہل گاندھی نے کہا کہ انتخابی مہم کے شروع ہونے کے باوجود ہمارے پاس دو روپئے نہیں ہیں کہ پارٹی کی تشہیر کیلئے استعمال کیا جائے۔ راہل گاندھی نے کہا کہ ہندوستان کی 20 فیصدی آبادی نے کانگریس کو ووٹ دیاتھا اور اس پارٹی کے ساتھ ایسا سلوک جمہوریت کا خون ہے۔انہوں نے اکاونٹ فریج کرکے کانگریس کو منجمد نہیں بلکہ جمہوریت کو منجمد کرنے کی کوشش کی ہے۔
-بھارت ایکسپریس
مرکزی وزیر اطلاعات و نشریات اشونی ویشنو نے جمہوریت کو مضبوط بنانے میں میڈیا کے…
اڈانی گرین انرجی لمیٹڈ نے کہا ہے کہ تارالی پمپ اسٹوریج پروجیکٹ میں نہ تو…
آٹھویں پے کمیشن کے تحت یکم جنوری 2026 سے پہلے ریٹائر ہونے والے پنشنروں اور…
وزیر اعظم نریندر مودی کے وکست بھارت 2047 کے ہدف کے تحت آج پیدا ہونے…
گجرات کے ’اننت انادی وڈنگر آثارِ قدیمہ تجرباتی عجائب گھر‘ نے 2026 کا باوقار بین…
وزیر اعظم نریندر مودی نے نمو ایپ پر منعقدہ ’من کی بات کوئز‘ کی اکتوبر…