کانگریس نے سید ناصر حسین، اجے ماکن اور رینوکا چودھری کو راجیہ سبھا کا امیدوار بنایا ہے۔
کانگریس نے راجیہ سبھا الیکشن 2024 کے لئے 6 امیدواروں کا اعلان کردیا ہے۔ اس فہرست میں کرناٹک سے راجیہ سبھا رکن پارلیمنٹ ڈاکٹرسید ناصرحسین کو ایک بار پھرامیدواربنایا ہے۔ اس کے علاوہ دہلی پردیش کے سابق صدراجے ماکن، سابق مرکزی وزیر رینوکا چودھری کا نام بھی اس فہرست میں شامل ہے۔
کانگریس نے آج اپنی دوسری فہرست جاری کی ہے۔ کرناٹک سے ڈاکٹرسید ناصرحسین، اجے ماکن اور جی سی چندرشیکھرکو امیدواربنایا ہے۔ جبکہ مدھیہ پردیش سے اشوک سنگھ اورتلنگانہ سے رینوکا چودھری اورانل کماریادو کو امیدواربنایا گیا ہے۔
کانگریس نے اس سے پہلے آج ہی ایک فہرست جاری کی تھی، جس میں 4 امیدواروں کے نام شامل ہیں۔ راجستھان سے سونیا گاندھی کو امیدواربنایا گیا ہے اور آج ہی انہوں نے اپنی پرچہ نامزدگی بھی داخل کردی ہے۔ بہارسے اکھلیش پرساد سنگھ، ہماچل پردیش سے ابھیشیک منو سنگھوی کو موقع دیا گیا ہے جبکہ مہاراشٹرسے چندرکانت ہنڈورے کو امیدواربنایا ہے۔
کون ہیں سید ناصرحسین؟
کرناٹک کے نوجوان لیڈرکے طورپرڈاکٹرسید ناصرحسین نے اپنا اہم مقام بنایا۔ جے این یوکے طلبہ یونین کے سابق صدررہے سید ناصرحسین کانگریس ورکنگ کمیٹی (سی ڈبلیو سی) کے رکن ہیں۔ وہ اس وقت کانگریس صدرملیکا ارجن کھڑگے کے دفترانچارج بھی ہیں۔ سید ناصرحسین راجیہ سبھا سے لے کرعوام کے درمیان کانگریس کا موقف مضبوطی کے ساتھ پیش کرتے رہے ہیں۔ اس طرح سے اگر دیکھا جائے تو ڈاکٹر سید ناصرحسین کو کانگریس سے وفاداری کا انعام ملا ہے۔
بھارت ایکسپریس۔
بہار کے پورنیہ سے آزاد امیدوار کے طور پرجیت حاصل کرنے والے راجیش رنجن عرف…
ممبئی ایئرپورٹ پہنچنے پرہندوستانی ٹیم کا استقبال کیا گیا۔ جہاز پر واٹر کینن سے پانی…
نئی دہلی: جمعیۃ علماء ہند کی مرکزی مجلس منتظمہ کا اہم اجلاس اس کے صدردفتر…
اکتوبر 2022 میں، چینگ اور چائنا پروجیکٹ اس وقت شدید مشکلات میں پڑ گئے جب…
چیف جسٹس آف انڈیا ڈی وائی چندر چوڑ کو 157 وکلاء نے خط لکھا ہے۔…
پروفیسر سلیمان نے حکومت سے مطالبہ کیا کہ زخمیوں کا جلد از جلد مناسب علاج…