IT Raid: راجیہ سبھارکن دھیرج ساہو سے متعلق کمپنی کےٹھکانوں پر انکم ٹیکس کی کاروائی،300کروڑ سے زائد نقدی رقم ضبط

اوڈیشہ انکم ٹیکس ڈپارٹمنٹ کی ریسرچ برانچ نے بدھ کے روز شراب کی تجارت سے متعلق ڈسٹلریز پرائیویٹ لمیٹڈ اور اس گروپ کی تین دیگر کمپنیوں کے احاطے پر چھاپہ مارا تھا۔ اس دوران محکمہ انکم ٹیکس کی ٹیم نے 300 کروڑ روپے سے زیادہ کی نقدی ضبط کی۔ یہ کمپنی راجیہ سبھا ایم پی دھیرج ساہو سے متعلق ہے۔ بلدیو ساہو اور گروپ آف کمپنیز کے بلانگیر دفتر پر چھاپے کے دوران 150 کروڑ روپے سے زیادہ کی نقدی ضبط کی گئی۔ کہا جاتا ہے کہ یہ مغربی اوڈیشہ میں دیسی شراب بنانے اور فروخت کرنے والی سب سے بڑی کمپنیوں میں سے ایک ہے۔

 ایک سو پچاس کروڑ روپے سے زائد ضبط

معلومات کے مطابق سنبل پور کارپوریٹ آفس میں چھاپے کے دوران 150 کروڑ روپے سے زیادہ کی رقم بھی ضبط کی گئی ہے۔ حکام کے مطابق اوڈیشہ کے بولانگیر اور سمبل پور اور جھارکھنڈ کے رانچی، لوہردگا میں تلاشی جاری ہے۔ کل تک 50 کروڑ روپے کے نوٹوں کی گنتی مکمل ہو چکی تھی لیکن نوٹوں کی زیادہ تعداد کی وجہ سے مشینوں نے کام کرنا چھوڑ دیا۔معلومات کے مطابق بودھ ڈسٹلری پرائیویٹ لمیٹڈ کمپنی کی پارٹنرشپ فرم جس پر پہلے آئی ٹی نے چھاپہ مارا تھا وہ بلدیو ساہو اور گروپ آف کمپنیز ہے۔ بدھ کو انکم ٹیکس کی ٹیم نے سرگی پلی میں سندر گڑھ کے شراب کے تاجر راجکشور پرساد جیسوال کے گھر، دفتر اور دیسی شراب کی ڈسٹلری پر بھی چھاپہ مارا تھا۔ بودھ ڈسٹلری پرائیویٹ لمیٹڈ کے کارپوریٹ دفتر اور پالاس پلی میں کچھ عہدیداروں کے گھروں پر بھی چھاپے مارے گئے ہیں۔

بھارت ایکسپریس۔