Kumari Selja met Sonia Gandhi: ہریانہ میں انتخابی تشہیر کے دوران کماری شیلجا نے کی سونیا گاندھی سے ملاقات، 30 منٹ تک چلی اہم میٹنگ

ہریانہ میں انتخابی تشہیرکا زورآج (جمعرات) کی شام کوختم ہوجائے گا۔ اس سے پہلے کانگریس رکن پارلیمنٹ اورسینئرلیڈرکماری شیلجا نے پارٹی کی سابق صدرسونیا گاندھی سے ملاقات کی ہے۔ ذرائع کے مطابق، یہ ملاقات نصف گھنٹے تک چلی۔ انتخابی تشہیرختم ہونے سے پہلے کماری شیلجا اورسونیا گاندھی کی ملاقات کافی اہم مانی جارہی ہے۔

دراصل، کماری شیلجا کی سونیا گاندھی سے ملاقات ایسے وقت میں ہوئی، جب ریاستی کانگریس میں اختلاف کی خبریں ہیں۔ ریاستی کانگریس میں ایک طرف جہاں بھوپیندرسنگھ ہڈا ہیں تو دوسری طرف کماری شیلجا ہیں۔ دونوں کی توجہ وزیراعلیٰ کی کرسی پر ہے اور گروپ بازی سے ہی بچن کے لئے کانگریس نے ریاست میں کسی کو وزیراعلیٰ کا چہرہ نہیں بنایا۔

کماری شیلجا پر کیا بولے بھوپیندر سنگھ ہڈا؟

الیکشن کے درمیان بھوپیندر سنگھ ہڈا نے حال ہی میں ایک انٹرویو میں کماری شیلجا کی ناراضگی پر سوال کیا گیا۔ ہڈا نے کہا کہ یہ میڈیا کے ذریعہ پیدا کیا ہوا ہے، یہ کوئی معاملہ نہیں ہے۔ کانگریس متحد ہے۔ اس سوال پر کہ کیا اب سب کچھ ٹھیک ہے توہڈا نے کہا کہ پہلے بھی سب کچھ ٹھیک تھا اورآج بھی ٹھیک ہے۔ ہڈا سے پہلے کماری شیلجا نے بھی کہا تھا کہ وزیراعلیٰ عہدے سے متعلق کانگریس اعلیٰ کمان کا فیصلہ انہیں قبول ہوگا۔ ہڈا نے کماری شیلجا اوررندیپ سرجے والا کی وزیراعلیٰ عہدے کی دعویداری کے بارے میں پوچھے جانے پر کہا کہ اچھی بات ہے۔ اگرخواہش ہی نہیں رکھیں گے تو سیاست ٹھنڈی پڑ جائے گی۔ جتنے زیادہ دعویدار ہوں گے، (کانگریس کو) اتنی ہی زیادہ مضبوطی ملے گی۔

کماری شیلجا کو بی جے پی سے ملا تھا آفر