Salman Khurshid on US -Iran Peace Talks: ”ہمیں جوکرنا تھا، وہ نہیں کرپائے…“ پاکستان میں ایران-امریکہ مذاکرات پرکانگریس لیڈرسلمان خورشید نے کہی یہ بڑی بات

نئی دہلی: پاکستان کے دارالحکومت اسلام آباد میں امریکہ اورایران کے درمیان جاری امن مذاکرات کے حوالے سے کانگریس لیڈرسلمان خورشید نے کہا کہ اگرمذاکرات کا کوئی نتیجہ نکلتا ہے توحالات کوخراب ہونے سے روکا جا سکتا ہے۔ تاہم، اگربات چیت صحیح طریقے سے نہیں کی گئی، یا وہ ایک دوسرے کوسمجھنے یا متفق ہونے میں ناکام رہے، تو صورتحال قابوسے باہرہو جائے گی۔ یہ پیش گوئی کرنا ناممکن ہے کہ آیا ایک اورجنگ چھڑ جائے گی۔ آج دنیا کے کئی حصوں میں مخالفت ہورہی ہے۔ یورپ اورامریکہ میں عوام کی طرف سے اس مخالفت کا اظہارکیا جا رہا ہے۔ اسرائیل سمیت ہرجگہ مخالفت کا اظہارکیا جا رہا ہے۔

سلمان خورشید نے پوچھا، “توکیا وہاں کی قیادت ایک اورجنگ شروع کرنے کی ہمت کرے گی، یہ جانتے ہوئے کہ پوری دنیا پراس کے منفی اثرات مرتب ہوں گے؟” انہوں نے کہا، “ہم چاہتے ہیں کہ دوبارہ جنگ نہ ہو، بلکہ امن ومحبت برقرار رہے۔ لیکن بدقسمتی سے جوکردارہمیں ادا کرنا چاہئے تھا کہ ہم امن کے سفیرہیں اوردنیا کومثبت مشورے دیتے ہیں۔ حکومت محض خاموش تماشائی بنی رہی۔”

پاکستان کا کردارپی ایم مودی کے لئے ایک جھٹکا

کانگریس کے رکن پارلیمنٹ جے رام رمیش نے مرکزی حکومت کی خارجہ پالیسی پرگہری تشویش کا اظہارکیا۔ انہوں نے امریکہ اورایران کے درمیان جنگ بندی میں پاکستان کے کردارکو وزیراعظم نریندرمودی کے لئے بڑا دھچکا قراردیا۔ انہوں نے کہا کہ امریکہ ایران جنگ بندی میں پاکستان کا کردارپی ایم مودی کی سفارت کاری کے لیے ایک بڑا دھچکا ہے۔ امریکی صدر ڈونلڈ ٹرمپ نے ایران کے خلاف ’’بمباری اورحملہ‘‘ کی مہم روک دی۔

جے رام رمیش نے کہا کہ دوہفتے کے لئے دونوں فریق کے درمیان جنگ بندی کا اعلان کرتے ہوئے ایران کے 10 نکاتی تجاویزکوقبول کرلیا۔ اس کے بعد ایران نے بھی ڈونلڈ ٹرمپ کی امن مذاکرات پہل کوقبول کرلیا اوردوہفتے کے لئے آبنائے ہرمز(اسٹریٹ آف ہرمز) سے محفوظ راستہ دینے کے ساتھ ساتھ فوجی مہم کوروکنے پررضامندی ظاہرکی۔ انہوں نے کہا کہ دونوں فریق کے درمیان بات چیت کی میزبانی کرنے میں پاکستان نے اہم کردار نبھایا ہے۔