Community Notes now active on India!: لوک سبھا انتخابات کے پیش نظر ایلن مسک کی بڑی پیش قدمی،فرضی خبروں کے خلاف بڑے فیچر کی کردی شروعات

مائیکرو بلاگنگ ویب سائٹ ایکس نے ہندوستان میں صارفین کے لیے کمیونٹی نوٹس کا فیچر شروع کردیا ہے۔ ایکس اور ٹیسلا کے سی ای او ایلون مسک نے جمعرات کو ایک پوسٹ کے ذریعے کہا کہ کمیونٹی نوٹس آج 4 اپریل سے ہندوستان میں فعال ہو جائیں گے۔ ہندوستان میں تعاون کرنے والے آج سے کمیونٹی نوٹس میں شامل ہو سکیں گے۔ اس کے ذریعے ہندوستانی صارفین پلیٹ فارم پر شیئر کی گئی پوسٹس کی فیکٹ چیکنگ میں حصہ لے سکیں گے۔

اس اقدام کا مقصد صارفین کو مددگار نوٹ شامل کرکے ممکنہ طور پر گمراہ کن پوسٹس کو درست کرنے میں مدد کرکے ایک بہتر ڈیجیٹل ماحول پیدا کرنا ہے۔اس خصوصیت کے آغاز کا اعلان ایکس کے کمیونٹی نوٹس ہینڈل پر کیا گیا، جس میں کمیونٹی نوٹس نے ہندوستان میں نئے تعاون کرنے والوں کا گرمجوشی سے خیرمقدم کیا۔

کمپنی نے لکھا کہ ہندوستان میں نئے کنٹریبیوٹرز میں خوش آمدید۔ ہمارا پہلا کنٹریبیوٹر آج شامل ہو رہا ہے۔ ہم وقت کے ساتھ ساتھ توسیع کرتے رہیں گے۔ ہمیشہ کی طرح، ہم معیار کی نگرانی کریں گے تاکہ نوٹس کو مختلف نقطہ نظر سے لوگ استعمال کر سکیں۔ اور یہ  مفید ثابت ہو۔ ایکس کے مطابق، کمیونٹی متنوع پس منظر سے تعلق رکھنے والے افراد کو نوٹس کے مصنفین کے طور پر تعاون کے لیے مدعو کر کے جعلی خبروں کا مقابلہ کرنے کی کوشش کرتی ہے۔ آپ کو بتادیں  کہ لوک سبھا انتخابات سے پہلے ایلون مسک کی ملکیت والی ایکس نے کمیونٹی نوٹ پوسٹ کرنا شروع کر دیا ہے۔ اس سے غلط خبروں کو پھیلنے سے روکا جا سکے گا۔

بھارت ایکسپریس