CJI Sanjiv Khanna in Farewell Speech: ’ایک وقت بہت پُرچیلنجزتھا، لیکن آج میں بہت خوش ہوں…‘، الوداعی تقریر میں جذباتی ہوگئے چیف جسٹس

چیف جسٹس سنجیو کھنہ الوداعی تقریب میں جذباتی نظرآئے۔

نئی دہلی: سپریم کورٹ کے چیف جسٹس سنجیو کھنہ اپنی الوداعی تقریرکے دوران جذباتی ہوگئے۔ الوداعی تقریب کے دوران انہوں نے کئی باتوں کا ذکرکیا۔ سپریم کورٹ بارایسوسی ایشن کے ذریعہ منعقدہ تقریب میں جسٹس سنجیو کھنہ نے کہا کہ میں نے گزشتہ 50 سالوں میں کئی الوداعی تقریب میں حصہ لیا ہے، لیکن آج میں خوش قسمت ہوں۔

انہوں نے کہا کہ میں خود کوخوش قسمت سمجھتا ہوں کہ میں نے ہندوستان کے چیف جسٹس کے طورپرریٹائرہونے کا فخرحاصل کیا۔ یہ حقیقت میں ایک خواب پورا ہونے جیسا ہے۔ مجھے آج بھی یاد ہے جب میں نے اپنے والد کوایک سول جج کے طورپراپنے کیریئرکی شروعات کرتے ہوئے دیکھا تھا اوربعد میں وہ دہلی ہائی کورٹ کے جج بنے۔ وہ ابتدائی تجربہ میرے اوپرگہرا اثرچھوڑگیا۔

2000 سے 2005 تک کا وقت چیلنجنگ والا تھا

سال 2000 سے 2005 تک کا وقت میرے لئے کافی چیلنجنگ رہا۔ میں نے سمجھا کہ ایک جج کی زندگی کتنی مشکل اور تھکاؤ ہوسکتی ہے۔ ایسے بھی دن آئے جب ہمیں بہت ہی کم وقت میں 75 سے 100 معاملوں کی سماعت کرنی پڑی۔ اس دوران میں نے کئی فیصلے محفوظ رکھے۔ 59 سال کی عمر میں مجھے ہندوستان کے سپریم کورٹ کا جسٹس نامزد کیا گیا۔ 64 سال کی عمرمیں میں ہندوستان کا چیف جسٹس بنا۔ آج صبح اپنے آخری کام کاج کے دن میں نے گہری سکون اوراطمینان کا تجربہ کیا۔ یہ زندگی کے ایک نئے باب کا آغازہے۔

سنجیو کھنہ کو وکیل نہیں بنانا چاہتی تھیں ان کی والدہ

قانونی پیشے میں گزارے ان 40 سالوں نے مجھے صحیح معنوں میں نکھارا ہے۔ میری والدہ لیڈی شری رام کالج میں پروفیسرتھیں۔ وہ کبھی نہیں چاہتی تھی کہ میں وکیل بنوں۔ مجھے بطوروکیل اپنا چیمبرحاصل کرنے میں 17 سال لگے۔ قابل ذکرہے کہ جسٹس سنجیوکھنہ کو11 نومبر 2024 کوسپریم کورٹ کا چیف جسٹس آف انڈیا مقررکیا گیا تھا اور وہ آج ریٹائرہورہے ہیں۔ ان کی جگہ پر جسٹس بی آرگوئی کل یعنی 14 مئی کو چیف جسٹس آف انڈیا کا حلف اٹھائیں گے اوراپنی ذمہ داری سنبھالیں گے۔