چراغ پاسوان
پٹنہ: نیشنل ڈیموکریٹک الائنس (این ڈی اے) کی حلیف لوک جن شکتی پارٹی (رام ولاس) کے صدر چراغ پاسوان نے منگل کے روز کرناٹک کی کانگریس حکومت پر دیگر پسماندہ طبقات (او بی سی) کے ریزرویشن کو “چھیننے” اور اس کا فائدہ ‘ایک مخصوص مذہبی برادری’ کو پہنچانے کا الزام لگایا۔
چراغ پاسوان نے ایک طرح سے وزیر اعظم نریندر مودی کی طرف سے لگائے گئے الزام کو دہرایا اور یہ الزام بھی لگایا کہ کانگریس کی قیادت والی اپوزیشن “اس لیے ہم پر (این ڈی اے) جھوٹا الزام لگا رہی ہے کہ ہم آئین کو تبدیل کرکے ریزرویشن ختم کرنے کا ارادہ رکھتے ہیں۔”
انہوں نے کہا، ”آئین میں بابا صاحب بھیم راؤ امبیڈکر نے واضح طور پر کہا تھا کہ مذہب ریزرویشن دینے کی بنیاد نہیں ہو سکتا۔ اس کے باوجود کانگریس نے کرناٹک میں ایسا کیا جہاں وہ اقتدار میں ہے۔ اس نے او بی سی کے حقوق چھین لیے ہیں۔
یہاں نامہ نگاروں سے بات کرتے ہوئے سابق مرکزی وزیر رام ولاس پاسوان کے بیٹے چراغ پاسوان نے کہا، ’’کرناٹک میں کانگریس کا اقدام اس کی خوشامد (appeasement) کی سیاست کے مطابق ہے، جس کی جھلک سابق وزیر اعظم منموہن سنگھ کی اس تقریر سے ملتی ہے، جس میں انہوں نے کہا تھا کہ ملکی وسائل پر پہلا حق ایک مخصوص مذہبی طبقے کے لوگوں کا ہے۔
پاسوان نے کہا، “یہ کانگریس اور اس کے حلیف ہیں جو آئین پر حملہ کرنے اور عوام کی توجہ اپنے کاموں سے ہٹانے کے قصوروار ہیں، وہ این ڈی اے پر آئین کو تبدیل کرنے اور تحفظات ختم کرنے کا جھوٹا الزام لگا رہے ہیں۔”
چراغ پاسوان کے والد رام ولاس پاسوان متحدہ ترقی پسند اتحاد (یو پی اے) -1 حکومت میں کابینہ کے وزیر تھے اور 2014 کے لوک سبھا انتخابات تک کانگریس کے اتحادی تھے۔
دوسری جانب سینئر بی جے پی لیڈر اور سابق مرکزی وزیر قانون روی شنکر پرساد نے ایک پریس کانفرنس میں کہا، “ہم پر یہ الزام جھوٹا ہے کہ ہم ریزرویشن کے خلاف ہیں اور اس سے اپوزیشن کی مایوسی چھلکتی ہے۔ ریزرویشن ہمیشہ جاری رہے گی۔
یہ بھی پڑھیں: اروند کیجریوال کی گرفتاری پر سپریم کورٹ نے پوچھے یہ پانچ سوال، جمعہ تک ای ڈی کے وکیل سے طلب کیا جواب
انہوں نے کہا، ’’ہم سمجھتے ہیں کہ مسلمانوں میں او بی سی کو بھی ریزرویشن کا فائدہ ملنا چاہیے لیکن کانگریس نے کرناٹک میں کیا کیا ہے کہ اس نے تمام مسلمانوں کو او بی سی کے طور پر درجہ بندی کر دیا ہے۔ اس سے کون بری طرح متاثر ہوگا؟ یقینی طور پر ہندو او بی سی۔
بھارت ایکسپریس۔
اڈانی معاملے میں وائٹ ہاؤس کی ترجمان کرائن جین پیئر نے کہا ہے کہ ہم…
حادثے میں کار میں سوار پانچ نوجوانوں کی موت ہو گئی۔ ہلاک ہونے والوں میں…
اتر پردیش کے نائب وزیر اعلیٰ برجیش پاٹھک نے میڈیکل ہیلتھ اینڈ فیملی ویلفیئر ڈپارٹمنٹ…
ہندوستان نے کینیڈا کی طرف سے نجار کے قتل کے الزامات کو یکسر مسترد کر…
ہندوستانی اسٹاک مارکیٹ میں ہلچل تیز ہے اور اس کی وجہ سے اڈانی گروپ کی…
مہاراشٹر اور جھارکھنڈ میں اسمبلی انتخابات کے لیے ووٹنگ مکمل ہونے کے بعد سامنے آنے…