Chandrayaan-3 On Moon:چندریان 3 کی چاند پرہورہی تھی لینڈنگ، انڈیگو کا طیارہ ہوا میں تھا… اچانک کچھ ایسا ہوا! وائرل ویڈیو دیکھیں

بھارت کے چندریان 3 نے 23 اگست کو شام 6 بجکر 4 منٹ پر چاند کی سطح پر کامیابی سے اتر کر تاریخ رقم کی۔ لینڈر کے چاند کے جنوبی قطب پر ‘سافٹ لینڈنگ’ کرنے کے ساتھ، ہندوستان ایسا کرنے والا واحد ملک بن گیا ہے۔ اہل وطن نے ایک دوسرے کے ساتھ اس کامیابی کا جشن منایا۔ اب سوشل میڈیا پر ایک ویڈیو وائرل ہو رہی ہے۔ وائرل ویڈیو چندریان کے لینڈنگ کے وقت کا بتایا جا رہا ہے۔

پائلٹ نے اعلان کیا

دراصل، جس وقت چندریان چاند پر اتر رہا تھا، اس وقت انڈیگو کی ایک فلائٹ ہوا میں تھی۔ اس میں بہت سے مسافر سوار تھے۔ جیسے ہی ان مسافروں تک کامیاب لینڈنگ کی خبر پہنچی تو سبھی خوشی سے اچھل پڑے۔ فلائٹ میں سوار کسی نے ویڈیو بنا کر سوشل میڈیا پر اپ لوڈ کر دی۔ اب یہ ویڈیو کافی وائرل ہو رہی  ہے۔ انڈیگو کے پائلٹ نے چندریان 3 کی کامیابی کی اطلاع دی تھی۔ ویڈیو میں دیکھا جا سکتا ہے کہ سپیکر سسٹم پر بھارت کی بڑی کامیابی کا اعلان کیا جا رہا ہے۔ لینڈنگ کی اطلاع ملتے ہی تمام مسافروں نے جشن منایا۔

مسافروں نے ایئر ہوسٹس کے ساتھ تالیاں بجائیں

پرواز کے پائلٹ نے اعلان کے دوران کہا، “کیپٹن راجیو اور مجھے یہ اعلان کرتے ہوئے بہت خوشی ہو رہی ہے کہ اسرو کی طرف سے لانچ کیا گیا چندریان 3 چاند کے جنوبی قطب پر کامیابی کے ساتھ پہنچ گیا ہے۔ ہم اس کامیابی پر انہیں مبارکباد پیش کرتے ہیں۔ جئے ہند۔ وائرل ویڈیو میں دیکھا جا سکتا ہے کہ تمام مسافر ایئرہوسٹس کے ساتھ تالیاں بجاتے ہیں۔