Mamata Banerjee on PM Modi: مرکز نے منی پور میں مظالم میں ملوث افراد کے خلاف کارروائی نہیں کی: ممتا

کولکتہ: مغربی بنگال کی وزیر اعلیٰ ممتا بنرجی نے ہفتہ کے روز الزام لگایا کہ مرکزی حکومت نے منی پور میں مظالم میں ملوث افراد کے خلاف کوئی کارروائی نہیں کی ہے۔ ممتا بنرجی نے کہا کہ ‘پی ایم کیئرز فنڈ’، رافیل سودے، نوٹ بندی جیسے مدعے میں گھرے ہوئے وزیر اعظم بدعنوانی پر بات نہیں کر سکتے ہیں۔ ان کا یہ ریمارکس اس سے چند گھنٹے پہلے آیا جب وزیر اعظم مودی نے یہاں ویڈیو کانفرنس کے ذریعے جی۔20 انسداد بدعنوانی وزارتی سطح کی میٹنگ سے خطاب کرتے ہوئے کہا کہ ہندوستان میں بدعنوانی کو بالکل برداشت نہ کرنے کی سخت پالیسی ہے۔

‘ملک کو گمراہ کر رہے ہیں پی ایم’

ترنمول کانگریس (ٹی ایم سی) کے سربراہ نے کہا کہ وزیر اعظم “بغیر کسی ثبوت کے اپوزیشن پر الزامات لگا رہے ہیں کیونکہ بی جے پی نہیں چاہتی کہ ملک کے غریب لوگ زندہ رہیں”۔ بنرجی نے ایک آڈیو پیغام میں کہا، ”وزیراعظم ملک کو گمراہ کر رہے ہیں۔ وہ بغیر کسی ثبوت کے بول رہے ہیں۔ بی جے پی نہیں چاہتی کہ ملک میں کوئی غریب زندہ رہے۔ وہ بدعنوانی پر بات نہیں کر سکتے کیونکہ بی جے پی حکومت کے خلاف بدعنوانی کے کئی الزامات ہیں، چاہے وہ رافیل طیاروں کا سودا ہو یا نوٹ بندی۔

‘مظالم میں ملوث افراد کے خلاف کوئی کارروائی نہیں’

سی ایم ممتا نے کہا، ’’بی جے پی نے اس شمال مشرقی ریاست میں مظالم میں ملوث افراد کے خلاف کوئی کارروائی نہیں کی ہے۔‘‘ ان کا یہ تبصرہ ظاہر طور پر وزیر اعظم کے اس الزام کا جواب ہے، جس میں انہوں نے کہا تھا کہ اپوزیشن پارلیمنٹ میں منی پور پر بحث نہیں چاہتی تھی۔ ممتا نے الزام لگایا، ”مغربی بنگال میں دیہی انتخابات کے دوران ان کی یعنی بی جے پی جانب سے 15-16 لوگوں کو قتل کر دیا گیا ہے۔ ان واقعات میں یقینی طور پر بی جے پی ملوث ہے۔

ویڈیو کانفرنس کے ذریعے پارٹی کارکنان سے خطاب

دوسری جانب مغربی بنگال کے ہاوڑہ میں کھیتریا پنچایتی راج پریشد کے اجلاس میں بھارتیہ جنتا پارٹی (بی جے پی) کے کارکنوں سے ویڈیو کانفرنس کے ذریعے خطاب کے دوران پی ایم مودی نے کہا کہ اپوزیشن نے منی پور کے لوگوں کو دھوکہ دیا ہے۔ وزیر اعظم مودی نے مزید کہا کہ اپوزیشن کو منی پور کے بارے میں بات کرنے میں کوئی دلچسپی نہیں تھی۔ “وہ اس معاملے پر سیاست کر رہے تھے۔ ہم نے پارلیمنٹ میں اپوزیشن کی تحریک عدم اعتماد کو شکست دی اور پورے ملک میں منفیت پھیلانے والوں کو منہ توڑ جواب دیا۔”

بھارت ایکسپریس۔