Delhi NCR: دہلی-این سی آر کے بازاروں میں مکھن کی قلت

اگر آپ دہلی-این سی آر کے بازاروں میں مشہور ڈیری برانڈز سے مکھن نہیں ڈھونڈ پا رہے تو حیران نہ ہوں۔ گزشتہ کچھ دنوں سے بازاروں میں مکھن، جو ایک اہم ڈیری پراڈکٹ ہے، کی قلت ہے۔ صنعتی ذرائع نے دعویٰ کیا کہ دودھ کی سپلائی میں کمی اور طلب میں اضافے کے باعث ملک کے کئی حصوں میں مکھن کی سپلائی متاثر ہوئی ہے۔

اس کی ایک اہم وجہ گجرات اور راجستھان سمیت کئی ریاستوں میں مویشیوں میں جلد کی گانٹھ کی بیماری کا پھیلنا ہے۔ اس کے علاوہ کئی کسانوں نے مویشیوں کی موت اور چارے کی قیمتوں میں اضافے کی وجہ سے ڈیری کا کاروبار بند کر دیا ہے۔ ذرائع نے بتایا کہ دودھ کی پیداوار میں کمی ریکارڈ کی گئی ہے جس سے مکھن اور گھی سمیت بعض ڈیری مصنوعات کی سپلائی میں کمی آئی ہے۔

نوئیڈا کے ایک ڈسٹری بیوٹر نے بتایا کہ انہیں پچھلے کچھ ہفتوں سے تقریباً آدھی مقدار میں مکھن مل رہا ہے۔ انہوں نے کہا کہ فی ہفتہ 900-1,000  پیٹی کے  بجائے، ہمیں مکھن کے لگ بھگ 500  پیٹی مل رہے ہیں۔ کمپنیاں کہہ رہی ہیں کہ سپلائی جلد بحال کر دی جائے گی۔

مکھن کی قلت کی صورت حال پر، مدر ڈیری کے ترجمان نے کہا، “تہوار کے موسم میں دودھ اور دودھ کی مصنوعات کی کھپت میں نمایاں اضافہ ہوا ہے۔ زیادہ تر کیٹیگریز کے معاملے میں، صارفین اور ادارہ جاتی طبقوں دونوں کی مانگ میں اضافہ دیکھا گیا، جس کی وجہ سے مارکیٹ میں عارضی طور پر سستی رہی۔ تاہم جلد ہی سپلائی معمول پر آجائے گی۔