رانچی میں بس میں لگی آگ ، دو افراد کی موقع پہ موت

د یوالی کی رات رانچی کے کھڈگڑھا بس اسٹینڈ پر کھڑی بس میں آگ لگنے سے دو افراد زندہ جل گئے۔ یہ دونوں بس کے ڈرائیور اور ہیلپر تھے۔ ان کی شناخت مدن اور ابراہیم کے طور پر ہوئی ہے۔ ریاست کے وزیر اعلیٰ ہیمنت سورین نے حادثے پر گہرے دکھ کا اظہار کیا ہے۔ بتایا گیا کہ ڈرائیور اور ہیلپر دیوالی کی رات پوجا کرنے کے بعد بس میں سو گئے تھے۔ اس نے بس میں مٹی کا چراغ جلایا تھا۔ آگ اس چراغ سے شروع ہوئی۔

دوپہر تقریباً 1.30 بجے اچانک بس سے آگ کے تیز شعلے اٹھنے لگے، تب لوگوں کو اس حادثہ کا علم ہوا۔ آگ اتنی تیزی سے پھیلی کہ ڈرائیور باہر نہ نکل سکے۔ حادثے کی اطلاع ملتے ہی فائر ٹینڈر موقع پر پہنچ گئے۔

آگ پر ڈیڑھ گھنٹے کی جدوجہد کے بعد قابو پالیا گیا۔ بس سے برآمد ہونے والے دونوں افراد کی لاشوں کو پوسٹ مارٹم کے لیے بھیج دیا گیا ہے۔