مایاوتی کی نوئیڈا میں 6 دسمبرکو ہونے والی ریلی منسوخ، بی ایس پی سربراہ نے بتائی وجہ، لوگوں کے لئے تشویش کا اظہار

انہوں نے مزید کہا کہ میری وجہ سے میرے اپنے لوگوں کو تکلیف ہو، یہ میں برداشت نہیں کرسکتی۔ اس لئے میں اس بار خود نہیں آوں گی۔ انہوں نے کہا کہ وہ لکھنو واقع اپنی رہائش گاہ پر ہی بابا صاحب کو ذاتی طرپرخراج عقیدت پیش کریں گی۔ ساتھ ہی دیگر لوگوں سے بھی یہی اپیل کروں گی کہ کارکنان بغیرکسی سیاسی دکھاوے کے امن کے ساتھ خراج عقیدت پیش کریں۔ مایاوتی کی ریلی اچانک منسوخ ہونے کی خبرجیسے ہی سوشل میڈیا پرپھیلی، بی ایس پی کارکنان میں مایوسی کی لہردوڑگئی۔ نوئیڈا اورغازی آباد کے ساتھ ساتھ ہاپوڑاورمیرٹھ سے بھی بسیں بک ہوچکی تھیں۔ ریلی میں شامل ہونے کے لئے کئی کارکنان نے توباقاعدہ چھٹی تک لے لی تھی، لیکن کچھ ہی دیرمیں ماحول بدل گیا۔ اس درمیان پارٹی کے واٹس اپ گروپ میں ایک میسج وائرل ہوگیا، بہن جی نے پھر ثابت کردیا کہ وہ ہماری لیڈر ہی نہیں بڑی بہن کی طرح ہیں۔ اپنے عوام سے زیادہ خود کو کبھی اہمیت نہیں دیا۔

مایاوتی نے کیا گزشتہ تجربے کا ذکر

وہیں سابق وزیراعلیٰ مایاوتی نے اپنے بیان میں پرانا درد بھی یاد دلایا۔ سال 2019 میں بھی دہلی کے رام لیلا میدان میں ہوئی ریلی میں ان کی سیکورٹی میں لگی بھاری پولیس فورس کی وجہ سے ہزاروں لوگ گیٹ پرہی گھنٹوں تک پھنسے رہ گئے تھے۔ اس وجہ سے کئی خواتین اوربچے بے ہوش ہوگئے تھے۔ اس حادثہ کا ذکر کرتے ہوئے مایاوتی نے کہا تھا کہ میری وجہ سے اگرایک بھی بہوجن کو پریشانی ہوتومیں ریلی کرنے سے بہترگھرپرہی رہوں گی۔ مایاوتی کی ریلی منسوخ ہونے کے بعد نوئیڈا میں راشٹریہ دلت پریرنا استھل پر کارکنان خود ہی پہنچ کرخراج عقیدت پیش کریں گے۔ اس کے علاوہ پورے اترپردیش میں ضلعی سطح پر چھوٹے چھوٹے پرامن پروگرام منعقد کریں گے۔

بھارت ایکسپریس اردو