BRS leader K Kavitha walks out of jail: پانچ ماہ بعد کے کویتا کو جیل سے ملی نجات، تہاڑ جیل سے نکلتے ہی کویتا کے بہنے لگے آنسو،دیا بڑا بیان

بھارت راشٹرا سمیتی لیڈر کے کویتا کو سپریم کورٹ سے ضمانت ملنے کے بعد منگل کی رات جیل سے رہا کر دیا گیا۔ دہلی کے مبینہ شراب گھوٹالے میں انہیں آج ضمانت مل گئی۔ بی آر ایس لیڈر نے کہا کہ ہم جنگجو ہیں، قانونی اور سیاسی دونوں طرح سے لڑیں گے۔ انہوں نے بی آر ایس اور کے سی آر کی ٹیم کو مضبوط کیا ہے۔تہاڑ جیل سے باہر آنے کے بعد پارٹی کارکنوں سے خطاب کرتے ہوئے انہوں نے کہا کہ ہم لڑیں گے اور اپنی بے گناہی ثابت کریں گے۔ ضمانت پر رہا ہونے کے بعد بی آر ایس لیڈر نے کہا کہ پورا ملک جانتا ہے کہ انہیں سیاسی وجوہات کی بناء پر جیل میں ڈالا گیا ہے اور انہوں نے کوئی غلط کام نہیں کیا ہے۔

بی آر ایس لیڈر  نےمزید کہا کہ میں آپ سب کا شکریہ ادا کرنا چاہتی ہوں۔ آج میں تقریباً 5 ماہ بعد اپنے بیٹے، بھائی اور شوہر سے مل کر جذباتی ہوگئی۔ اس صورتحال کی ذمہ دار صرف سیاست ہے۔ ملک جانتا ہے کہ مجھے سیاست کی وجہ سے جیل میں ڈالا گیا، میں نے کوئی غلطی نہیں کی، میں لڑوں گی۔ انہوں نے کہا کہ ہم فائٹر ہیں، قانونی اور سیاسی دونوں طریقے سے لڑیں گے۔ واضح رہے کہ تلنگانہ ایم ایل سی کو سی بی آئی اور ای ڈی دونوں معاملات میں 10 لاکھ روپے کی ضمانت کی رقم جمع کرانے کے بعد رہا کیا گیا ہے۔ عدالت نے کہا کہ وہ شواہد کے ساتھ چھیڑ چھاڑ کرنے کی کوشش نہیں کریں گی۔ سماعت کے دوران سپریم کورٹ نے کویتا کے خلاف سی بی آئی اور ای ڈی کی جانب سے پیش کیے گئے ثبوتوں پر بھی سوالات اٹھائے ہیں۔ بنچ نے کہا کہ چونکہ تفتیش مکمل ہو چکی ہے اور چارج شیٹ داخل کر دی گئی ہے، اس لیے اسے زیادہ دیر تک حراست میں نہیں رکھا جا سکتا۔

کویتا کو مارچ میں ای ڈی نے شراب کے مبینہ گھوٹالہ میں گرفتار کیا تھا اور وہ گزشتہ پانچ ماہ سے تہاڑ جیل نمبر 6 میں بند تھی۔ انہیں ای ڈی نے حیدرآباد میں ان کی بنجارہ ہل رہائش گاہ سے اور پھر سی بی آئی نے اس سال اپریل میں تہاڑ جیل کے اندر سے گرفتار کیا تھا۔دونوں معاملوں میں انہیں اب سپریم کورٹ سے راحت مل گئی ہے اور اب وہ جیل سے گھر کو لوٹ چکی ہیں۔

بھارت ایکسپریس۔