قومی

Amritpal Singh’S brother arrested: لوک سبھا ایم پی امرت پال سنگھ کا بھائی جالندھر سے گرفتار، ہرپریت سنگھ کے پاس سے منشیات برآمد

جالندھر: پنجاب کی جالندھر دیہات پولیس نے لوک سبھا ممبر پارلیمنٹ اور خالصتان حامی امرت پال سنگھ کا بھائی ہرپریت سنگھ کو سری کھڈور صاحب سے منشیات کے ساتھ گرفتار کیا ہے۔ ذرائع کے مطابق، پولیس نے ہرپریت سنگھ سے تقریباً پانچ گرام آئس (کرسٹل میتھمفیٹامین، ایک قسم کی منشیات) برآمد کی ہے۔ جالندھر دیہات پولیس کے ایس ایس پی انکور گپتا نے ہرپریت سنگھ کی گرفتاری کی تصدیق کی ہے۔ اس کے بعد پولیس نے پریس کانفرنس کی اور پورے معاملے کی جانکاری دی۔

ہرپریت کے پاس سے برآمد ہونے والی منشیات میتھمفیٹامین بتائی جاتی ہے۔ ایس ایس پی انکور گپتا نے بتایا کہ دیر رات اس کا میڈیکل بھی کیا گیا۔ ایس ایس پی کا کہنا تھا کہ منشیات کے خلاف خصوصی مہم چلائی جا رہی ہے۔ اس کے تحت گزشتہ تین ہفتوں سے کچھ افراد کو گرفتار کیا گیا ہے جبکہ کچھ افراد کی جائیداد ضبط کی گئی ہے۔

ایس ایس پی نے بتایا کہ دیر شام فلور سے جالندھر آتے وقت ہرپریت سنگھ سڑک کے کنارے امرتسر نمبر کریٹا کار میں نشے کی حالت میں تھا۔ گاڑی کا شیشہ بھی کالا تھا اور اس میں جالی تھی۔ چیکنگ کے دوران گاڑی میں دو افراد موجود پائے گئے۔

اس کے بعد پولیس ٹیم نے اعلیٰ حکام کو اطلاع دی۔ اعلیٰ حکام نے موقع پر پہنچ کر گاڑی کی چیکنگ کی تو گاڑی سے 4 گرام آئس برآمد ہوئی۔ اس کے ساتھ 2 فون بھی برآمد ہوئے۔ پولیس نے اس معاملے میں دو ملزمان کو گرفتار کیا ہے۔

ایس ایس پی نے بتایا کہ ملزمان کی شناخت لوپریت ولد گرپریت ساکن چیمہ وارڈ، تھانہ بیاس اور ہرپریت عرف ہیپی ولد ترسیم سنگھ جلو پور کھیڑا کے طور پر کی گئی ہے۔ ایس ایس پی نے بتایا کہ ملزمان سے لائٹر اور دیگر اشیاء بھی برآمد ہوئی ہیں۔

پوچھ گچھ کے دوران یہ بات سامنے آئی کہ ملزم یہ منشیات لدھیانہ سے سندیپ اروڑہ نامی شخص سے لائے تھے۔ ملزم نے پے ٹی ایم کے ذریعے اس شخص کو 10،000 روپے بھیجے تھے۔ میڈیکل رپورٹ میں دونوں ملزمان کا ٹیسٹ پازیٹیو آیا۔ ایس ایس پی نے بتایا کہ دونوں ملزمان مشکوک حالت میں پائے گئے۔

بھارت ایکسپریس۔

Md Hammad

Recent Posts

Gautam Adani, Chairman of the Adani Group: ماتا امرتا آنندمئی سے ملاقات انتہائی جذباتی اور متاثر کن تجربہ تھا: گوتم اڈانی

نائب صدر جمہوریہ سی پی رادھا کرشنن نے کیرالہ کے کولم ضلع میں واقع امرت…

26 minutes ago

Prime Minister Narendra Modi: اے آئی ہو یا کوئی نئی ٹیکنالوجی، ہنرمند شخص کی روزی روٹی کوئی نہیں چھین سکتا: وزیر اعظم مودی

وزیر اعظم نے کہا کہ ہنرمندی کے ذریعے لوگوں کو بااختیار بنانا اور ان کے…

2 hours ago

Balendra Shah India Visit: نیپال کے وزیر اعظم بالیندر شاہ آج پہنچیں گے بھارت، پیر کو وزیر اعظم مودی کے ساتھ ہوگی اہم ملاقات

بھارتی وزارت خارجہ نے اپنے بیان میں کہا ہے کہ بھارت اور نیپال کے درمیان…

2 hours ago