BJP on Hindenburg Report: ہنڈن برگ کی رپورٹ پر بی جے پی ہوئی کانگریس پر حملہ آور، روی شنکر پرساد نے کانگریس پر لگایا بڑا الزام

Hindenburg Report: ہنڈن برگ کی رپورٹ پرملک میں سیاسی ہلچل بڑھی ہوئی ہے۔ اسی درمیان روی شنکرپرساد نے اپوزیشن پرتنقید کی ہے۔ انہوں نے کہا کہ اپوزیشن ہارنے کے بعد ہندوستان کواقتصادی طورپر برباد کرنے کی سازش کررہے ہیں۔

‘یہ بے بنیاد حملہ ہے’

ہنڈن برگ ریسرچ کی حالیہ رپورٹ پربی جے پی رکن پارلیمنٹ روی شنکرپرساد نے کہا، ‘ہندوستان کے لوگوں کے ذریعہ ٹھکرائے جائے کے بعد کانگریس پارٹی، اس کے اتحادیوں اورٹول کٹ گروہ نے مل کرہندوستان میں اقتصادی بدامنی اورعدم استحکام لانے کی سازش کی ہے۔ ہنڈن برگ کی رپورٹ ہفتہ کے روزجاری ہوتی ہے، اتوارکو ہنگامہ شروع ہوتا ہے تاکہ پیرکے روزپورے کیپٹل مارکیٹ کوغیرمستحکم کردیا جائے۔ شیئرکے معاملے میں بھی ہندوستان ایک محفوظ، مستحکم اورامید کی کرن کا بازارہے۔’

روی شنکرپرساد نے کہا کہ یہ یقینی بنانا سیبی کی قانونی ذمہ داری ہے کہ بازاربہتر طریقے سے چلے۔ جب سیبی نے جولائی میں اپنی پوری جانچ مکمل کرنے کے بعد جوکہ سپریم کورٹ کی نگرانی میں کی گئی تھی، ہنڈن برگ کے خلاف نوٹس جاری کیا، تب اپنے بچاؤکے حق میں کوئی جواب دیئے بغیرانہوں نے یہ حملہ کیا ہے، یہ بے بنیاد حملہ ہے۔

‘یہ ایک ٹول کٹ گینگ ہے’: روی شنکر پرساد

بی جے پی کے سینئر لیڈر روی شنکرپرساد نے کہا، ‘ہنڈن برگ میں اہم سرمایہ کارامریکی تاجرجارج سوروس ہیں۔ یہ ٹول کٹ گینگ ہے۔ سازش کے ذریعہ ہندوستان کی بڑھتی ہوئی معیشت کونقصان پہنچانے کی کوشش کی جا رہی ہے۔ اسٹاک مارکیٹ کوغیرمستحکم کرنے کی کوشش کی جارہی ہے۔ سب نے دیکھا ہے کہ ایک سازش کے تحت یہ رپورٹ ہفتہ کے روزسامنے آئی، جب بازاربند ہے۔ اس رپورٹ کے سامنے آنے کے بعد مارکیٹ میں کیا ہوا، آپ سب نے دیکھا ہے۔