بی جے پی ایم ایل اے راجیشور سنگھ نے رشی کیش میں کیا گنگا اسنان، سبھی کی صحت اور خوشحالی کے لئے دعا کی

Rajeshwar Singh: لکھنؤ کی سروجنی نگراسمبلی سیٹ سے رکن اسمبلی ڈاکٹر راجیشور سنگھ منگل کو رشی کیش پہنچے تھے۔ اس دوران انہوں نے گنگا میں اسنان (غسل) کیا اورسبھی کے لئے صحتیاب ہونے کی کامنا کی۔ رکن اسمبلی راجیشور سنگھ نے اپنے ٹوئٹر ہینڈل پر کئی تصاویرشیئر کی ہیں، جس میں وہ گنگا ندی کے اندرسوریہ (سورج) کی پوجا کرتے ہوئے نظر آتے ہیں۔

راجشور سنگھ نے رشی کیش پہنچنے پر کہا کہ آج یوگا نگری رشی کیش میں گنگا ندی میں اسنان (غسل) کیا اور سبھی لوگوں کی صحت اور خوشحالی کے لئے دعائیں کی۔ ماں گنگا کا مقدس خطہ روحانی اورمافوق الفطرت خوشی ہے۔ سورج کی پوجا کرتے ہوئے انہوں نے سوشل میڈیا پر کچھ تصاویر بھی شیئر کیں۔

‘ماں گنگا کی مقدس سرزمین روحانی، مافوق الفطرت خوشگوار ہے’
رکن اسمبلی راجیشور سنگھ نے ٹوئٹ کرتے ہوئے لکھا– دیوی سریشوری بھگوتی گنگا، تریبھونتارینی ترل ترنجے۔ شنکرامولیویہارینی وملے، مام ماتیرستان تاو پدکملے۔ آج یوگا کے شہر رشی کیش میں گنگا میں نہانے کے بعد سب کے لئے صحت اورخوشحالی کی دعا کی۔ ماں گنگا کا مقدس خطہ روحانی اورمافوق الفطرت خوشیوں سے بھرپور ہے۔

ای ڈی کے جوائنٹ ڈائریکٹر رہ چکے ہیں راجیشور سنگھ 
انفورسمنٹ ڈائریکٹوریٹ (ای ڈی) کے جوائنٹ ڈائریکٹر کے عہدے پر فائز رہے راجیشورسنگھ کئی ہائی پروفائل کیسوں سے جڑے ہوئے تھے اورمیکسس ڈیل، 2 جی اسپیکٹرم، کول اسکام جیسی بڑی تحقیقات میں بھی شامل رہے۔ ای ڈی کے فعال اورمشہورافسرراجیشورسنگھ، فی الحال لکھنؤ کے سروجنی نگر اسمبلی حلقہ سے بی جے پی کے ایم ایل اے ہیں۔ انہوں نے وی آرایس لے کرسیاست میں قدم رکھا اور بی جے پی کے ٹکٹ پر یوپی اسمبلی انتخابات 2022 میں سروجنی نگر سیٹ سے پہلی بارالیکشن لڑکر جیت حاصل کی۔