BJP Foundation Day: ’نیشن فرسٹ‘ پارٹی کی بنیاد، کارکنان پارٹی کی اصل طاقت، بی جے پی کے یوم تاسیس پر امت شاہ کا 46 برس کے سفر پر زور

بی جے پی نے 6 اپریل کو اپنا 46واں یومِ تاسیس منایا۔ 1980 میں ممبئی سے شروع ہونے والا یہ سیاسی سفر آج دنیا کی سب سے بڑی سیاسی جماعتوں میں شمار ہوتا ہے۔ اس موقع پر مرکزی وزیرِ داخلہ امت شاہ نے پارٹی کے نظریے، جدوجہد اور مستقبل کے اہداف پر تفصیلی روشنی ڈالی۔ امت شاہ نے اپنے پیغام میں کہا کہ بی جے پی کے لیے اقتدار مقصد نہیں بلکہ قوم کی خدمت کا ذریعہ ہے۔ انہوں نے پارٹی کے اصول ’Nation First, Party Next, Self Last‘ کو دہراتے ہوئے کہا کہ ہر کارکن اسی جذبے کے ساتھ دن رات ملک کی خدمت میں مصروف ہے۔ انہوں نے یہ بھی کہا کہ بی جے پی نے سرحدی سلامتی، داخلی استحکام، ترقی اور ثقافتی احیاء جیسے تمام وعدوں کو عملی جامہ پہنایا ہے۔ اس موقع پر امت شاہ نے شیاما پرساد مکھرجی اور دین دیال اپادھیائے کو خراجِ عقیدت پیش کیا۔ انہوں نے کہا کہ انہی عظیم رہنماؤں کی سوچ اور قربانیوں کی بنیاد پر بی جے پی ایک مضبوط نظریاتی جماعت کے طور پر ابھری۔ انہوں نے پارٹی کے ابتدائی دور کے کارکنان کو ’’ऋषि दधीचि‘‘ (رشی ددھیچی) کی قربانیوں سے تشبیہ دی، جنہوں نے اپنی زندگی قوم کے لیے وقف کر دی۔

کارکنان ہی پارٹی کی اصل طاقت

امت شاہ نے کہا کہ بی جے پی کی اصل طاقت اس کے کروڑوں کارکنان ہیں، جنہوں نے پارٹی کو ’’صفر سے شکھر‘‘ تک پہنچایا۔ انہوں نے کہا کہ جب پارٹی کے پاس پارلیمنٹ میں صرف دو نشستیں تھیں، تب بھی کارکنان نے حوصلہ نہیں ہارا اور مسلسل جدوجہد جاری رکھی۔ اپنے خطاب میں امت شاہ نے تین اہم شعبوں پر روشنی ڈالی:

سلامتی: دہشت گردی کے خلاف زیرو ٹالرنس اور قومی سلامتی کو مضبوط بنانا

ترقی: ڈیجیٹل انڈیا اور معیشت کو عالمی سطح پر مستحکم بنانا

ثقافت: رام مندر اور دیگر منصوبوں کے ذریعے ثقافتی ورثے کا احیاء

آخر میں امت شاہ نے کہا کہ بی جے پی صرف ایک سیاسی جماعت نہیں بلکہ ’قوم کی تعمیرنو‘ کا ایک عزم ہے۔ انہوں نے کارکنان سے اپیل کی کہ وہ ملک سرفہرست کے اصولوں پر عمل کرتے ہوئے ایک مضبوط اور ترقی یافتہ بھارت کی تعمیر میں اپنا کردار ادا کریں۔

بھارت ایکسپریس اردو۔