Jammu and Kashmir: شوپیاں میں سیکورٹی فورسز کو بڑی کامیابی، لشکر کے دو دہشت گرد ہلاک

Jammu and Kashmir: جموں و کشمیر کے شوپیاں میں سیکورٹی فورسز نے ایک انکاؤنٹر کے دوران دو دہشت گردوں کو ہلاک کردیا ۔ جنگل میں مزید دہشت گردوں کے چھپے ہونے کا خدشہ ہے۔ پولیس اور فوج کے مشترکہ آپریشن میں دہشت گرد مارے گئے ہیں۔ اب اس علاقے میں سرچ آپریشن کیا جا رہا ہے۔

قابل ذکر بات یہ ہے کہ شوپیاں کے الشی پورہ میں آج صبح سیکورٹی فورسز نے دو دہشت گردوں کو مار گرایا۔ یہ تصادم پیر کی رات دیر گئے شروع ہوا۔ کشمیر پولیس زون نے انکاؤنٹر کی اطلاع دی۔ کولگام میں 4 اکتوبر کو بھی سیکورٹی فورسز نے دو دہشت گردوں کو مار گرایا تھا۔ انٹیلی جنس رپورٹ کے بعد سیکورٹی فورسز نے دہشت گردوں کو گھیرے میں لے لیا اور پھر انہیں مقابلے کے دوران مارا گیا۔ دونوں دہشت گرد کولگام کے رہنے والے تھے۔

کشمیرپولیس کے مطابق دہشت گردوں کی شناخت معروفت مقبول اورجازم فاروق کے نام سے کی گئی ہے۔ جو ابرارکے نام سے بھی جانا جاتا تھا۔ ان دہشت گردوں کا تعلق لشکر طیبہ سے ہے۔ کشمیر پولیس کے اے ڈی جی پی نے کہا کہ ابرار کشمیری پنڈت سنجے شرما کے قتل میں بھی ملوث تھا۔ اے ڈی جی نے کہا کہ اس طرح دہشت گرد مزدوروں، خواتین، کشمیری پنڈتوں اور نہتے لوگوں کو نشانہ بنا کر وادی میں امن کی کوششوں کو نہیں روک سکتے۔ دہشت گردوں کے خلاف فوج اور پولیس کا آپریشن جاری رہے گا۔ آپ کو بتادیں کہ کولگام میں حزب المجاہدین کے دو دہشت گرد مارے گئے۔ جائے وقوعہ سے بھاری مقدار میں گولہ بارود برآمد ہوا ہے۔

بھارت ایکسپریس