Bhiwandi MLA Rais Shaikh Resign: مہاراشٹر میں سماجودی پارٹی کو بڑا جھٹکا، اس سیٹ کے رکن اسمبلی نے چھوڑی پارٹی، این سی پی میں ہوں گے شامل ؟

مہاراشٹر میں سماجودای پارٹی کو بڑا جھٹکا لگا ہے۔ بھیونڈی سے سماجوادی پارٹی کے موجودہ رکن اسمبلی  رئیس شیخ نے استعفیٰ دے دیا ہے۔ سماج وادی پارٹی کے ایم ایل اے رئیس شیخ نے اندرونی کشمکش کی وجہ سے پارٹی سے استعفیٰ دے دیا ہے۔ موصولہ اطلاعات کے مطابق، کچھ دنوں سے یہ بحث چل رہی تھی کہ وہ اجیت پوار کی پارٹی این سی پی میں شامل ہو سکتے ہیں۔

بھیونڈی کی سیاست میں  نیا موڑ

اس وقت جب لوک سبھا انتخابات کو لے کر سیاست گرم ہے، سماج وادی پارٹی کے بھیونڈی ایسٹ اسمبلی سے ایم ایل اے رئیس قاسم شیخ نے پارٹی میں اندرونی کشمکش کی وجہ سے ایم ایل اے کے عہدے سے استعفیٰ دے دیا ہے۔ رئیس شیخ نے ایم ایل اے کے عہدے سے اپنا استعفی سماج وادی پارٹی کے مہاراشٹرا ریاستی صدر ابو عاصم اعظمی کو سونپ دیا ہے۔

بھیونڈی شہر میں رئیس شیخ نے عام غریبوں اور خواتین کے لیے خاص کام کیا ہے، اس لیے ان کی حمایت میں خواتین کثیر تعداد میں نظر آئیں۔ یہ خواتین دفتر کے باہر جمع ہوئیں اور ایک ہی نعرہ لگایا کہ ہم رئیس شیخ کو استعفیٰ نہیں دینے دیں گے اور اگر پارٹی ان کا استعفیٰ منظور کر لیتی ہے تو ہم بھیونڈی شہر میں سڑکوں پر نکل کر احتجاج کریں گے۔

یہاں آپ کو بتاتے چلیں، رئیس شیخ میونسپل کارپوریشن کے کونسلر اور سماج وادی پارٹی کے گروپ لیڈر بھی رہ چکے ہیں۔ انہوں نے 2012 میں گوونڈی اور 2017 میں ناگپاڈا سے بی ایم سی الیکشن لڑا اور جیتا۔

بھیونڈی لوک سبھا حلقہ ریاست مہاراشٹر کے 48 لوک سبھا (پارلیمانی) حلقوں میں سے ایک ہے۔ یہ تھانے ضلع کا ایک حصہ ہے۔ یہ عام زمرے کی پارلیمنٹ کی نشست ہے۔ اس میں چھ اسمبلی حلقے شامل ہیں۔ یہ ہیں بھیونڈی رورل (ST)، شاہ پور (ST)، بھیونڈی ویسٹ، بھیونڈی ایسٹ، کلیان ویسٹ اور مرباد۔ بھیونڈی لوک سبھا حلقہ سے موجودہ ایم پی کپل پاٹل بی جے پی سے ہیں۔ 2019 کے انتخابات میں، بی جے پی کے کپل پاٹل نے 523,583 ووٹ حاصل کرکے سیٹ برقرار رکھی۔ کانگریس کے سریش تاورے 367,254 ووٹوں کے ساتھ دوسرے نمبر پر رہے۔