Drug-Free India” National Campaign: پورے ملک میں 75 مقامات پر ہوگی ’’نشہ مُکت بھارت‘‘ میراتھن، بھوجپوری سپر اسٹار منوج تیواری نے کی اپیل

Drug-Free India” National Campaign: وزیر اعظم نریندر مودی کے 75ویں یومِ پیدائش کے موقع پر جو ’’سیوا پکھواڑا‘‘ منایا جا رہا ہے، اس کے تحت ملک بھر میں 75 مقامات پر شاندار میراتھن کا انعقاد ہو رہا ہے۔ اس میراتھن کا موضوع ہے – ’’نشہ مُکت بھارت‘‘ (منشیات سے پاک بھارت)۔ اس میں پورے ملک سے ہزاروں نوجوان شریک ہوں گے۔

دہلی میں بھارتیہ جنتا پارٹی (بی جے پی) کے لیڈر اور بھوجپوری اداکار منوج تیواری نے اس بارے میں سوشل میڈیا پر اطلاع دی۔ انہوں نے بتایا کہ یہ پروگرام 21 ستمبر کو صبح 6:30 بجے دہلی یونیورسٹی کے رگبی گراؤنڈ پر منعقد ہوگا۔

منوج تیواری نے عوام سے اس قومی عوامی تحریک میں شامل ہونے اور ’’نشہ مُکت بھارت ‘‘ (Drug-Free India) کا پیغام دینے کی اپیل کی ہے۔ انہوں نے کہا کہ نوجوان اس کے رجسٹریشن کے لیے https://t.co/KywdCsa2u3 پر وزٹ کریں۔ اس اقدام سے صحت مند اور مضبوط بھارت کی بنیاد پڑے گی۔

انہوں نے کہا، ’’آئیے، دوڑ کے ذریعے ’’نشہ مُکت بھارت‘‘ کا پیغام دیں اور اس تاریخی مہم کا حصہ بنیں۔ تیواری نے کہا، ’’نشہ مُکت بھارت‘‘ کے موضوع کے ساتھ 21 ستمبر کو 75 مقامات پر میراتھن منعقد کی جائے گی۔

بھارت ایکسپریس۔