Gunjan Foundation: بھارت ایکسپریس کے سی ایم ڈی اپیندر رائے کو گنجن فاؤنڈیشن کے 20 سال مکمل ہونے پر ‘دستک دل’ پروگرام میں اعزاز سے نوازا گیا

Gunjan Foundation: گنجن فاؤنڈیشن کے 20 سال مکمل ہونے کے موقع پر دارالحکومت دہلی میں ’دستک دل‘ پروگرام کا انعقاد کیا گیا۔ بھارت ایکسپریس نیوز نیٹ ورک کے چیئرمین، منیجنگ ڈائریکٹر اور چیف ایڈیٹر اپیندر رائے نے بطور مہمان خصوصی شرکت کی۔ اس دوران سی ایم ڈی اپیندر رائے کو اعزاز سے بھی نوازا گیا۔

معروف گلوکار اور موسیقار شنکر مہادیون نے پروگرام میں اپنی پرفارمنس سے سامعین کو محظوظ کیا۔ اس پروگرام کا اہتمام سری فورٹ آڈیٹوریم، دہلی میں کیا گیا تھا، جس کو معروف اینکر رچا انیرودھ نے ماڈریٹ کیا۔ اس دوران سینکڑوں لوگ موجود رہے۔

محروم اور بے سہارا بچوں کو فراہم کی تعلیم

پروگرام کے دوران گنجن فاؤنڈیشن کی بانی اور صدر سشما سنگھوی نے کہا کہ تمام تر مشکلات کے باوجود وہ اس مشن میں مصروف رہیں۔ انہوں نے کہا، ‘کچھ وقت لگا، آتے آتے۔ لیکن اپنی منزل پر پہنچ گئے۔ ہم نے اپنے 20 سالوں میں تقریباً 2200 بچوں کو تعلیم فراہم کی ہے۔ جے پور، احمد آباد، دہلی… ان تمام جگہوں پر اس کے باب (یونٹ) کھلے ہوئے ہیں۔ گنجن ہمارے لیے ایک مشن ہے۔ گنجن ہمارا مقصد ہے۔ یہ ہماری روح ہے۔

گنجن فاؤنڈیشن

گنجن فاؤنڈیشن 20 سال سے غریب بچوں کی تعلیم کے لیے مسلسل کام کر رہی ہے۔ سال 2004 میں قائم ہونے والی اس فاؤنڈیشن کا مقصد بچوں کو تعلیم کے ذریعے بااختیار بنانا ہے، تاکہ وہ اپنی زندگی میں ترقی کر سکیں اور معاشرے میں مثبت تبدیلی لانے کے قابل ہو سکیں۔

یہ فاؤنڈیشن کلاس 1 سے 12 تک کے اسکولوں میں پڑھنے والے بچوں کے ساتھ ساتھ اعلی تعلیم کے مختلف شعبوں جیسے IIT، میڈیکل، نرسنگ، بیچلر ڈگری، ماسٹر ڈگری میں پڑھنے والے پسماندہ بچوں کو اسکالرشپ فراہم کرتی ہے۔

-بھارت ایکسپریس