Bharat Express Chairman Upendra Rai to be Honored with Media Award: بھارت ایکسپریس کے چیئرمین اوپیندر رائے کو ’موسٹ امپیکٹ فل جرنلسٹ ان الیکٹرانک اینڈ سوشل میڈیا‘ سے کیا جائے گا سرفراز

بھارت ایکسپریس کے چیئرمین، ایم ڈی اورایڈیٹراِن چیف اوپیندررائے کو ٹائیکون گلوبل گورننس اینڈ بزنس ایوارڈ تقریب میں بدھ کے روز ’موسٹ امپیکٹ فل جرنلسٹ ان الیکٹرانک اینڈ سوشل میڈیا‘ سے سرفراز کیا جائے گا۔ اس ایوارڈ تقریب میں بھارت ایکسپریس کے چیئرمین اوپیندر رائے مہمان خصوصی کے طور پر شرکت کریں گے۔ اس کا انعقاد دہلی کے ہوٹل لی میریڈین میں ہوگا۔

اس ایوارڈ تقریب میں کئی بیوروکریٹس، کارپوریٹ لیڈران، دانشور اور دیگر معروف شخصیات شرکت کریں گی۔ یہ پروگرام فلم جائنٹس پرائیویٹ لمیٹیڈ اور راج ویر شرما کے ذریعہ تیارکئے گئے ایلبم ’اپنی محبت‘ کے لانچ کے ساتھ شروع ہوگا، جس کے بعد فلم جائنٹس ٹائیکون گلوبل ایوارڈ تقریب کی شروعات ہوگی۔

بھارت ایکسپریس کے چیئرمین اوپیندر رائے صحافت کی دنیا میں کافی مشہورہیں۔ صحافت میں ان کے تعاون کے لئے سینئر صحافی اوپیندر رائے کو کئی ایوارڈ سے سرفراز کیا جا چکا ہے۔ گزشتہ ماہ دہلی میں انہیں ’چانکیہ ایوارڈ‘ سے سرفرازکیا گیا تھا۔