Best wishes of PM on Eid-Milad-un-Nabi:عید میلاد النبی پر پی ایم مودی نے دی مبارکباد ،کہا-ہم آہنگی اور بھائی چارہ ہمیشہ قائم رہے

آج عید میلاد النبی ﷺ ہے،جس پر ملک بھر میں سرکاری تعطیل ہے ،اس موقع سے وزیراعظم نریندر مودی نے تمام مسلمانوں کو عید میلاد النبی ﷺ کی مبارکباد پیش کی ہے۔ انہوں نے اپنے سوشل میڈیا اکاونٹ ایکس پر ایک پوسٹ میں لکھا کہ’ عید مبارک، عید میلاد النبی کے موقع پر میری طرف سے نیک خواہشات، ہم آہنگی اور بھائی چارہ ہمیشہ قائم ہے اور ہر طرف خوشیاں اور خوشحالی کی بہار آئے۔

بتا دیں کہ عید میلاد النبی صلی اللہ علیہ وسلم اسلامی کیلنڈر کے تیسرے مہینے 12 ربیع الاول کو منایا جاتا ہے۔ یہ ایک خاص اسلامی تہوار ہے۔ دین اسلام میں عید میلاد النبی کا تہوار حضرت محمد صلی اللہ علیہ وسلم کے یوم ولادت کے طور پر منایا جاتا ہے۔ اس دن مسلمان اپنے علاقوں اور گھروں میں محفل ملاد کا انعقاد کرتے ہیں اور جلوس کا اہتمام کرتے ہیں۔

حضرت محمدﷺ کو آخری نبی مانا جاتا ہے۔ عید میلاد النبی کا تہوار اسلام پر یقین رکھنے والے لوگوں کو سماجی خدمت کے لیے تحریک دیتا ہے۔ اس دن لوگوں کو ضرورت مندوں اور غریبوں کی مدد کرنے کی ترغیب دی جاتی ہے۔

بھارت ایکسپریس۔