Bengaluru court sent summons to Rahul Gandhi: بنگلور کی عدالت نے راہل گاندھی، سدارامیا اور شیوکمار کو بھیجا سمن، 28 مارچ کو حاضر ہونے کا حکم، فوجداری مقدمہ درج کرنے کی بھی ہدایت

بنگلورو: بنگلورو کی ایک عدالت نے جمعہ کے روز کانگریس کے سابق صدر راہل گاندھی، کرناٹک کے وزیر اعلیٰ سدارامیا اور نائب وزیر اعلیٰ ڈی کے شیوکمار کو بھارتیہ جنتا پارٹی (بی جے پی) کی طرف سے دائر ایک کیس میں 28 مارچ کو ذاتی طور پر حاضر ہونے کے لیے سمن جاری کیا۔ خصوصی جج جے پریت نے کرناٹک پردیش کانگریس کمیٹی اور مختلف ملزمین کے خلاف فوجداری مقدمہ درج کرنے کی بھی ہدایت دی۔

بی جے پی نے کانگریس لیڈروں پر الزام لگایا تھا کہ وہ اس وقت کے چیف منسٹر بسواراج بومئی سمیت اس کے لیڈروں کے خلاف جھوٹے اشتہارات دے رہے ہیں۔ پچھلے سال کرناٹک اسمبلی انتخابات کے دوران، کانگریس نے بی جے پی پر ’40 فیصد بدعنوانی’ کا الزام لگایا تھا اور اس وقت کی حکمران جماعت پر بدعنوانی کا الزام لگاتے ہوئے اخبارات میں کئی اشتہارات دیے تھے۔

شہر بھر میں اس وقت کے وزیر اعلیٰ کی تصویر کے ساتھ ‘پے-سی ایم’ پوسٹر آویزاں کرکے بومئی کو نشانہ بناتے ہوئے ایک پوسٹر مہم بھی چلائی گئی۔ کانگریس نے سابق حکومت کے خلاف ‘کرپشن ریٹ کارڈ’ بھی شائع کیا تھا۔ اسمبلی انتخابات کے بعد بی جے پی نے کانگریس لیڈران پر اشتہارات کے ذریعہ پارٹی کی شبیہ کو نقصان پہنچانے کا الزام لگاتے ہوئے ہتک عزت کا مقدمہ دائر کیا تھا۔ پارٹی کے وکیل ونود کمار نے عدالت میں دلیل دی کہ ‘جھوٹے’ اشتہارات سے بی جے پی کی ساکھ کو نقصان پہنچا ہے۔

یہ بھی پڑھیں: وزیر اعظم کے حملے پر راہل گاندھی کا جوابی حملہ، خاص بنارسی انداز میں کہا – مودی نانی کو سنارہے ہیں نانیہال کی حالت

دلائل سننے کے بعد 42 ویں ایڈیشنل چیف میٹروپولیٹن مجسٹریٹ (ACMM) کی عدالت نے اس کیس کے سلسلے میں کانگریس لیڈروں کو 28 مارچ کو حاضر ہونے کا حکم دیا۔

یہ بھی پڑھیں: جھارکھنڈ کی چمپائی سورین حکومت کا اعلان، اتنی یونٹ بجلی ملے گی مفت، جانئے تفصیلات

بتا دیں کہ راہل گاندھی کی بھارت جوڑو نیا یاترا 25 فروری کو راجستھان میں داخل ہوگی۔ اس دوران یاترا دھول پور بارڈر سے راجستھان میں داخل ہونے پر کانگریس کی طرف سے اس کا استقبال کیا جائے گا۔ اس کے لیے کانگریس کے عہدیداروں نے تیاریاں شروع کردی ہیں۔ اس دوران یاترا 25 فروری کو دو پہر 3 بجے اتر پردیش کی سرحد سے راجستھان کے دھول پور ضلع میں داخل ہوگی۔ اس کے بعد یاترا کی پرچم کشائی کی تقریب کا اہتمام کیا جائے گا۔ اس کے علاوہ راہل گاندھی کی ایک بڑی میٹنگ کا بھی اہتمام کیا جائے گا۔

بھارت ایکسپریس۔